ថ្ងៃសុក្រ ១៥ រោច ខែផល្គុន ឆ្នាំរកានព្វស័ក ពុទ្ធសករាជ ២៥៦១
ត្រូវនឹងថ្ងៃទី១៦ ខែមីនា ឆ្នាំ២០១៨ លោកជំទាវ មិថុនា ភូថង អភិបាល នៃគណ:អភិបាលខេត្តកោះកុង បានអញ្ជើញដឹកនាំកិច្ចប្រជុំដោយមានការចូលរួមពីលោក លោកស្រីអភិបាលរងខេត្ត លោកនាយក នាយករងរដ្ឋបាលសាលាខេត្ត លោក លោកស្រី ប្រធានមន្ទីរ អង្គភាព លោក លោកស្រី នាយកទីចាត់ការ ប្រធានអង្គភាព លោកអភិបាលក្រុង ស្រុក និងអ្នកពាក់ព័ន្ធនានា ដើម្បីពិភាក្សា និងត្រៀមលក្ខណ:រៀបចំសម្ពោធដាក់អោយប្រើប្រាស់ជាផ្លូវការ វិថី តាឆែម យាយយិប ជាផ្លូវបេតុង មានប្រវែង ៤,៣៥០ ម៉ែត្រ ទទឹង ៦ម៉ែត្រ នៅចំណុចឆ្មារបាត់(ផ្លូវឆ្មារបាត់) ក្នុងភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទដែលជាអំណោយរបស់លោក យាយយិប។ ព្រមទាំងត្រៀមរៀបចំសង្រ្កានកោះកុង ដើម្បីអបអរសាទរបុណ្យចូលឆ្នាំ ប្រពៃណីជាតិ និងទទួលស្វាគមន៍ភ្ញៀវទេសចរណ៍ជាតិ និងអន្តរជាតិ មកទស្សនាកំសាន្ត នៅទឹកដីខេត្តកោះកុង៕
