ពិធីបំពាក់គ្រឿងឥស្សរយសការងារ និងផ្ដល់ប័ណ្ណសរសើរ ជូនបុគ្គលិកអប់រំដែលមានស្នាដៃ និងត្រូវចូលនិវត្តន៍ឆ្នាំ២០១៨

រាជធានីភ្នំពេញ ៖ ពិធីបំពាក់គ្រឿងឥស្សរយសការងារ និងផ្ដល់ប័ណ្ណសរសើរ ជូនបុគ្គលិកអប់រំ ដែលមានស្នាដៃ និងត្រូវចូលនិវត្តន៍ឆ្នាំ២០១៨ បម្រើការងារតាមអង្គភាពនានាក្រោមឱវាទទីស្ដីការក្រសួង ក្នុងបំណងលើកទឹកចិត្តដល់មន្ត្រីអប់រំគ្រប់រូប ដែលខិតខំប្រឹងប្រែងអស់ពីសមត្ថភាពបំពេញការងារ ចូលរួមជំរុញវិស័យអប់រំ នៅកម្ពុជាកាន់តែមានគុណភាព។

ក្នុងកម្មវិធីពិធីបំពាក់គ្រឿងឥស្សរយសការងារ និងផ្ដល់ប័ណ្ណសរសើរនេះ មន្ត្រីដែលទទួលបានមេដាយសរុបចំនួន៤៩០នាក់ មន្ត្រីចូលនិវត្តន៍ឆ្នាំ២០១៨ ដែលទទួលបានប័ណ្ណសរសើរសរុបចំនួន ២៧នាក់ និងអង្គភាពដែលទទួលបានទង់ជ័យលាភី និងប័ណ្ណសរសើរសរុបចំនួន ៩ អង្គភាព ដោយកម្មវិធីនេះត្រូវបានធ្វើឡើងក្រោមអធិបតីភាពរបស់ឯកឧត្ដមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា នាព្រឹកថ្ងៃសុក្រ ៦រោច ខែចេត្រ ឆ្នាំរកា នព្វស័ក ព.ស.២៥៦១ នៅវិទ្យាស្ថានជាតិអប់រំ៕