សំណង់បង្ហៀរក្បាលហុង បាននឹងកំពុងបំពេញសេចក្តីត្រូវការរបស់បងប្អូនប្រជាពលរដ្ឋ បើទោះបីជាសំណង់នេះ ពុំទាន់បានស្ថាបនារួចរាល់យ៉ាងណាក្តី!
ក្រោមការដឹងនាំរបស់ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បានកែប្រែមុខមាត់ពីស្ពានក្បាលហុងចាស់ទ្រុឌទ្រោម ទៅជាតំបន់ទេសចរណ៍ដ៏ទាក់ទាញបំផុត ចំកណ្តាលក្រុងពោធិ៍សាត់ និងសម្រាប់ប្រើប្រាស់ ជាប្រយោជន៍ទៅដល់បងប្អូនប្រជាកសិករ។
សំណង់បង្ហៀរក្បាលហុង ស្ថិតក្នុងភូមិក្បាលហុង ឃុំវាល ស្រុកកណ្តៀង ដែលជាប់នឹងបេះដូងក្រុងពោធិ៍សាត់ គិតត្រឹមថ្ងៃទី២២ ខែមេសា ឆ្នាំ២០១៨ បន្ទាប់ពីពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំច សំរឹទ្ធិស័ក ពស២៥៦២ ត្រូវបានបញ្ចប់នោះ គេឃើញនៅមានបងប្អូនប្រជាពលរដ្ឋយ៉ាងច្រើនកុះករ ចុះងូតទឹកលេងកម្សាន្ត ស្របពេលដែលអាកាសធាតុកំពុងឡើងកំដៅផងដែរ៕