ថ្ងៃពុធ ៩កើត ខែជេសដ្ឋ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី ២៣ ខែឧសភា ឆ្នាំ ២០១៨ ឯកឧត្តម ថោ ជេដ្ឋា រដ្ឋលេខាធិការក្រសួងធនធានទឹក និងឧតុនិយម អមដំណើរដោយមន្ត្រីបច្ចេកទេសរបស់មន្ទីរធនធានទឹក និងឧតុនិយមខេត្តកំពង់ស្ពឺ បានចុះពិនិត្យការដ្ឋានសាងសង់ឡើងវិញ ទំនប់ជណ្តើរកាច់ ស្ថិតក្នុងឃុំក្រាំងអំពិល ស្រុកសំរោងទង ខេត្តកំពង់ស្ពឺ ។
គួររំលឹកផងដែរថា ទំនប់ជណ្តើរកាច់ ត្រូវបានក្រសួងធនធានទឹក និងឧតុនិយម បើកការដ្ឋានសាងសង់ឡើងវិញ សម្រាប់បម្រើឱ្យការស្រោចស្រពនៅក្នុងឃុំក្រាំងអំពិល ស្រុកសំរោងទង ខេត្តកំពង់ស្ពឺ ។ ការងារដែលត្រូវអនុវត្តមាន សាងសង់ឡើងវិញទំនប់អាងទឹកប្រវែង ២.២០០ ម និងបំពាក់សំណង់សិល្បការតូចធំ សរុបចំនួន ០៥ កន្លែង ។ នៅពេលសាងសង់ឡើងវិញរួច ទំនប់នេះ នឹងមានសមត្ថភាពស្តុកទឹកសម្រាប់ផ្គត់ផ្គង់ឱ្យការងារបង្កបង្កើនផលលើផ្ទៃដីស្រូវវស្សា ចំនួន ១.៦៧៤ ហត និងស្រូវប្រាំង ១.៤៤៩ ហិកតា ។