ឯកឧត្តម ម៉េង ហុង នាយករង ប.ស.ស បានរៀបចំកិច្ចប្រជុំផ្សព្វផ្សាយអំពីគោលនយោបាយនៃ ការអនុវត្តរបបសន្តិសុខសង្គមដល់រដ្ឋបាលរោងចក្រ

១. ការធានារ៉ាប់រងផ្នែកហានិភ័យការងារ (គ្រោះថ្នាក់ការងារ និងជំងឺវិជ្ជាជីវៈ)

២. ការធានារ៉ាប់រងផ្នែកថែទាំសុខសភាព

៣. ប្រាក់សោធននិវត្ត (ប្រាក់រ៉ឺត្រែត) នៅពេលដែលកម្មករនយោជិតបម្រើការងារ គ្រប់អតីតភាពការងារ (របបនេះដាក់ឱ្យដំណើរការនៅឆ្នាំ២០១៩)។

ឯកឧត្តម ម៉េង ហុង បានណែនាំអំពីនីតិវិធីក្នុងការទទួលប្រើប្រាស់សេវារបស់បេឡាជាតិរបបសន្តិសុខសង្គម នៅតាមមូលដ្ឋានសុខាភិបាលជាដៃគូរនៅទូទាំងប្រទេស សរុបប្រមាណជាង ១៣១៧មូលដ្ឋាន។ ក្នុងនោះផងដែល ឯកឧត្តម ក៏បានពន្យល់បន្ថែមដល់កម្មការិនីជាស្ត្រីមានផ្ទៃពោះ នឹងទទួលបានអត្ថប្រយោជន៍ដូចជា៖

១. ទៅទទួលសេវាពិនិត្យសុខភាពមុន និងក្រោយពេលសម្រាល នៅតាមមន្ទីរពេទ្យជាដៃគូរបស់ ប.ស.ស ឥតគិតថ្លៃ

២. ទៅសម្រាលកូននៅតាមមន្ទីរពេទ្យដែលជាដៃគូរបស់ ប.ស.ស ដោយឥតគិតថ្លៃ

៣. បន្ទាប់ពីសម្រាល និងទទួលបានប្រាក់ឧបត្ថម្ភបន្ថែមពីរាជរដ្ឋាភិបាល៖

– សម្រាលបានកូនមួយ ទទួលបានប្រាក់ ៤០០ ០០០រៀល
– សម្រាលបានកូនពីរ ទទួលបានប្រាក់ ៨០០ ០០០រៀល
– សម្រាលបានកូនបី ទទួលបានប្រាក់ ១ ២០០ ០០០រៀល ព្រមទាំងទទួលបានប្រាក់ ៥លានរៀលបន្ថែមទៀត ពីសម្តេចសម្តេចតេជោទៀតផង។

៤. ទទួលបានប្រាក់ឈ្នួលមធ្យមប្រចាំថ្ងៃ ៧០% ពី ប.ស.ស រយៈពេល ៩០ថ្ងៃ បន្ទាប់ពីសម្រាល៕