នៅព្រឹកថ្ងៃទី១០ខែកក្តដាឆ្នាំ២០១៨នេះ ឯកឧត្តម គួច ចំរើន អភិបាលខេត្តកំពង់ចាមចុះផ្សព្វផ្សាយលើបញ្ហា២ដ៍ធំ គឺមាន គ្រោះថ្នាក់ចរាចរណ៍ នឹងបញ្ហាគ្រឿងញៀន ដើម្បីកាត់បន្ថយនូវផលប៉ះពាល់ដល់អាយុជីវិតជនរួមជាតិជារៀងរាល់ថ្ងៃ នៅបឋមសិក្សា និងអនុវិទ្យាល័យទួលថ្ម នឹងជម្រុញលើកទឹកចិត្តដល់សិស្សានុសិស្សក្នុងការខិតខំរៀនសូត្រដើម្បីបន្តការសិក្សាទៅថ្នាក់វិទ្យាល័យបន្តទៅមុខទៀត។
ឯកឧត្តម គួច ចំរើន គណៈអភិបាលខេត្តកំពង់ចាម បានថ្លែងប្រាប់ទៅសិស្សានុសិស្សនៃបឋមសិក្សា-អនុវិទ្យាល័យទួលថ្មថា ក្នុងនាមជាសិស្សសាលាត្រូវគិតលើបញ្ហា២ដ៍ធំ គឺមាន គ្រោះថ្នាក់ចរាចរណ៍ នឹងបញ្ហាគ្រឿងញៀន ដើម្បីកាត់បន្ថយនូវផលប៉ះពាល់ដល់អាយុជីវិតជនរួមជាតិជារៀងរាល់ថ្ងៃ យើងត្រូវផ្សព្វផ្សាយបន្ត ត្រូវប្រុងប្រយត្ន៍ដោយគោរពច្បាប់ចរាចរណ៍ត្រូវពាក់មួកសុវត្ថិភាព ចេះអធ្យាស្រ័យគ្នា ចេះយោគយល់គ្នា ហាមប្រើប្រាស់គ្រឿងញៀន សេពគ្រឿងស្រវឹងជាដើមក្នុងពេលកំពុងបើកបរ ដើម្បីបញ្ជៀសនូវគ្រោះថ្នាក់ក្នុងការបើកបរ ។ ដូច្នោះយើងត្រូវរួមគ្នាថែរក្សាជីវិតដល់ពលរដ្ឋដោយកុំខឹងនឹងការអនុវត្តន៍នូវច្បាប់ចរាចរណ៍ គឺដើម្បីកាត់បន្ថយអត្រាស្លាប់ដោយគ្រោះថ្នាក់ចរាចរណ៍នៅលើដងផ្លូវ។ បញ្ហាជាពិសេសប្រចាំថ្ងៃនោះគឺបញ្ហាសម្រាមត្រូវធ្វើការគ្រប់គ្រង្យបានត្រឹមត្រូវើយប្រមូលជប្រចាំនៀបចំសណ្តាប់ធ្នាប់តាមដងផ្លូវសម្រួលចរាចរណ៍កុំឲ្យកក់ស្ទះនៅលើដងផ្លូវផងដែរ។
យុវជនគឺជាទំពាំងស្នងឬស្សីសម្រាប់ប្រទេសជាតិដើម្បីអភិវឌ្ឍន៍កសាងប្រទេសឲ្យមានភាពរុងរឿងរីកចម្រើនជាបន្តបន្ទាប់ទៀត ដោយត្រូវជៀសឆ្ងាយពីគ្រឿងញៀន ត្រូវយល់ដឹងនូវផលប៉ះពាល់ដោយខ្លួនឯងនិងសង្គមជាតិផងដែរ។
ឯកឧត្តម គួច ចំរើន អភិបាលខេត្តកំពង់ចាមបានស្នើដល់លោកគ្រូអ្នកគ្រូត្រូវធ្វើការណែនាំលើបញ្ហាអសកម្មដែលកើតមានឡើងលើបញ្ហាគ្រោះថ្នាក់ នឹងបញ្ហាគ្រឿងញៀនក្នុងពេលគោរពទង់ជារៀងរាល់សប្តាហ៍។ ឯកឧត្តមបានជម្រុញដល់សិស្សានុសិស្សទាំងអស់បន្តខិតខំរៀនសូត្រដើម្បីខ្លួនឯង សង្គមគ្រួសារនឹងឈានដល់ការអភិវឌ្ឍន៍ប្រទេសជាតិផងដែរ៕
