ឯកឧត្តម ហ៊ុន ម៉ានី អ្នកតំណាងរាស្រ្តមណ្ឌលកំពង់ស្ពឺ អញ្ជើញចុះពិនិត្យស្ថានភាពទឹកជំនន់ និងសួរសុខទុក្ខបងប្អូនប្រជាពលរដ្ឋដែលរងគ្រោះដោយជំនន់ទឹកភ្លៀង ក្នុងភូមិសាស្រ្តស្រុកភ្នំស្រួច ខេត្តកំពង់ស្ពឺ។ លោកសូមចូលរួមសោកស្តាយចំពោះការខូចខាត និងប៉ះពាល់ជីវភាពប្រចាំថ្ងៃរបស់បងប្អូនប្រជាពលរដ្ឋ មិនថាតែនៅខេត្តកំពង់ស្ពឺផ្ទាល់ ឬតាមបណ្តាខេត្តនានាទេ។
ស្ថិតក្នុងកាលៈទេសៈដែលកម្ពស់ទឹកកំពុងតែឡើងនេះ លោកសូមសំណូមពរឱ្យអាជ្ញាធរបង្កើនការប្រុងប្រយ័ត្នខ្ពស់ ដើម្បីត្រៀមខ្លួនគ្រប់គ្រង ក៏ដូចជាបញ្ចៀសហានិភ័យនានាដែលអាចបង្កនូវផលលំបាកដល់បងប្អូនប្រជាពលរដ្ឋឱ្យអស់ពីសមត្ថភាព។