នារសៀលថ្ងៃពុធ ៣រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៩ ខែសីហា ឆ្នាំ២០១៨
ក្រុមសមាជិកព្រឹទ្ធសភាប្រចាំភូមិភាគទី២ ដឹកនាំដោយឯកឧត្តម អ៊ុក ប៊ុនឈឿន ប្រធានក្រុម បានអញ្ជើញចុះជួបពិភាក្សាការងារជានឹងសមាជិកសមាជិការក្រុមប្រឹក្សាឃុំ និងនាយប៉ុស្តិ៍នគរបាលរដ្ឋបាលឃុំ មកពីឃុំមេមត់ ឃុំដា ឃុំទ្រៀក ឃុំគគី ឃុំរំចេក ឃុំកំពាន់ និងឃុំមេមង ចំនួន៦៣នាក់ ដើម្បីស្វែងយល់អំពី ការអភិវឌ្ឍតាមគោយនយោបាយវិមជ្ឈការ វិសហមជ្ឈការ ការអនុវត្តតួនាទីភារកិច្ច សមត្ថកិច្ចរបស់ក្រុមប្រឹក្សាឃុំ គោលនយោបាយភូមិឃុំមានសុវត្ថិភាព ការផ្តល់សេវាសាធារណៈ និងតម្លៃដែលត្រូវបង់ ព្រមទាំងការដោះស្រាយវិវាទក្រៅប្រព័ន្ធតុលាការរបស់ថ្នាក់ឃុំ នៅសាលាឃុំមេមត់ ស្រុកមេមត់ ខេត្តត្បូងឃ្មុំ។
