ភ្នំពេញ)៖ ឯកឧត្តម សុខ ឥសាន អ្នកនាំពាក្យគណបក្សប្រជាជនកម្ពុជា នៅថ្ងៃទី១៤ ខែតុលា ឆ្នាំ២០១៨នេះ បានអះអាងថា គណបក្សប្រជាជនកម្ពុជា បានអនុវត្តព្រះរាជបណ្តាំ និងព្រះរាជតម្រិះរបស់ ព្រះបរមរតនកោដិ ដោយប្តេជ្ញាការពាររដ្ឋធម្មនុញ្ញ របបរាជានិយម និងលទ្ធិប្រជាធិបតេយ្យ។
ឯកឧត្តម សុខ ឥសាន បានលើកឡើងយ៉ាងដូច្នេះថា៖ «គណបក្សប្រជាជនកម្ពុជា ប្រកាន់ខ្ជាប់គោលជំហរធ្វើជាសុខដុមនីយកម្មសង្គមកម្ពុជា ដោយផ្អែកលើនយោបាយបង្រួបបង្រួមជាតិ ការផ្សះផ្សារជាតិ និងវប្បធម៌សន្ទនា។ ប៉ុន្តែការបង្រួបបង្រួមជាតិ ការផ្សះផ្សារជាតិ និងវប្បធម៌សន្ទនាត្រូវតែផ្អែកលើគោលការណ៍ច្បាស់លាស់នោះ គឺតាមគោលការណ៍លទ្ធិប្រជធិបតេយ្យ និងនីតិរដ្ឋ»។
ឯកឧត្តមបានបន្តថា «នេះហើយ គឺជាព្រះរាជបណ្តាំរបស់ព្រះបរមរតនកោដិ ដែលបន្សល់ឲ្យកូនចៅគណបក្សប្រជាជនកម្ពុជា អនុវត្តតរៀងទៅ។ ហេតុដូច្នេះហើយបានជា គណបក្សប្រាជនកម្ពុជា ប្តេជ្ញាការពាររដ្ឋធម្មនុញ្ញ និងរបបរាជានិយមអាស្រ័យរដ្ឋធម្មនុញ្ញឲ្យបានជាដាច់ខាត និងប្តេជ្ញាដើរតាមគន្លងលទ្ធិប្រជាធិបតេយ្យ និងនីតិរដ្ឋ ទោះបីក្រុមណាជនណានិយាយអ្វីក្រៅពីនេះក៏ដោយដែលនេះ គឺជាសិទ្ធិនិយាយរបស់ពួកគេនិយាយ»៕
