ដើម្បីដោះស្រាយបញ្ហាទឹកលិចក្នុងភូមិសាស្ត្រដងន័ង្គលមុខព្រលានយន្តហោះអន្តរជាតិភ្នំពេញ ភូមិព្រៃទា សង្កាត់ចោមចៅទី៣ ភូមិក្បាលដំរី២ ភូមិត្រពាំងជ្រៃ ភូមិចំការឪឡឹក សង្កាត់កាកាបទី២ ខណ្ឌពោធិ៍សែនជ័យ និងភូមិដំណាក់ សង្កាត់គោកឃ្លាង ខណ្ឌសែនសុខ កុំអោយរងការលិចផ្លូវ លំនៅដ្ឋានរបស់បងប្អូនប្រជាពលរដ្ឋ នៅព្រឹកថ្ងៃសៅរ៍ ១១កើត ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ នៃតុលា ឆ្នាំ២០១៨ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានដឹកនាំមន្ទីរជំនាញ និងមន្ត្រីរដ្ឋបាលរាជធានីភ្នំពេញ ចុះពិនិត្យជាក់ស្តែង និងដាក់គ្រឿងចក្រចុះកាយមុខទឹក និងបានអោយស្តារប្រឡាយស្ថិតក្នុងតំបន់ភូមិសាស្ត្រខាងលើ ដើម្បីសម្រួលចរន្តទឹកហូរបានលឿនទាន់ពេលវេលា និង សម្រួលដល់ការធ្វើដំណើររបស់ប្រជាពលរដ្ឋតំបន់នោះ ជៀសផុតពីការលិចលង់។
