(ភ្នំពេញ)៖ នៅព្រឹកថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញសំណេះសំណាលជាមួយអាចារ្យ អាចារិនីទូទាំងប្រទេសលើកទី១១ ចំនួនជាង១ពាន់នាក់។ ពិធីសំណេះសំណាលនេះ ធ្វើឡើងនៅវិទ្យាស្ថានជាតិអប់រំ។
ខាងក្រោមជាខ្លឹមសារសំខាន់ៗរបស់ សម្តេចមហាបវរធិបតី ហ៊ុន ម៉ាណែត អញ្ជើញជួបសំណេះសំណាលជាមួយអាចារ្យ អាចារិនី៖
* សម្តេចមហាបវរធិបតី ហ៊ុន ម៉ាណែត បានបង្ហាញក្តីរីករាយ បានចូលរួមក្នុង «ពិធីសំណេះសំណាលជាមួយអាចារ្យ-អាចារិនីទូទាំងប្រទេសលើកទី១១» ដែលជាការជួបជុំ ដើម្បីអបអរសាទរនូវសមិទ្ធផល សម្រេចបានក្នុងឆ្នាំ២០២៥, ម៉្យាង និង ម៉្យាងទៀត, ដើម្បីវាយតម្លៃសមិទ្ធកម្ម, ស្វែងយល់ស៊ីជម អំពីបញ្ហាប្រឈម, និង ពិភាក្សាដាក់ចេញនូវទិសដៅកែលម្អ, កំណត់វិធានការដោះស្រាយ, និង រៀបចំផែនការអភិវឌ្ឍវិស័យព្រះពុទ្ធសាសនានៅកម្ពុជា ឱ្យក្លាយទៅជាកម្លាំងសីលធម៌សង្គមខ្មែរ ដ៏ពិតប្រាកដ និង ជាសសរស្តម្ភ នៃសុខដុមជំនឿសាសនានៅកម្ពុជា។
* សម្តេចមហាបវរធិបតី ហ៊ុន ម៉ាណែត បានថ្លែងថា ការរៀបចំឱ្យមានពិធីសំណេះសំណាលជាមួយអាចារ្យ-អាចារិនីទូទាំងប្រទេសជារៀងរាល់ ឆ្នាំនេះ កំពុងឆ្លុះបញ្ចាំងយ៉ាងប្រត្យក្សអំពីការយកចិត្តទុកដាក់ខ្ពស់របស់រាជរដ្ឋាភិបាលចំពោះតម្ល និង តួនាទីរបស់អាចារ្យ-អាចារិនីនៅក្នុងសង្គមខ្មែរ ស្របតាមទិសស្លោក «អាចារ្យល្អ វប្បធម៌រីក ចម្រើន សហគមន៍រុងរឿង»។
* សម្តេចមហាបវរធិបតី ហ៊ុន ម៉ាណែត បានថ្លែងថា អាចារ្យ-អាចារិនី គឺជាអ្នកថែរក្សាប្រពៃណី និងទំនៀមទម្លាប់ ជាអ្នកពង្រឹងសាមគ្គីភាពនៅមូលដ្ឋាន ជាអ្នកអប់រំកុមារ និងយុវជន ជាអ្នកសាបព្រោះបណ្តុះគុណធម៌ សីលធម៌ និងសុជីវធម៌ និងជាតំណរភ្ជាប់រវាងព្រះពុទ្ធសាសនា គ្រួសារ សហគមន៍ សង្គមរបស់ជនជាតិខ្មែរ។
* សម្តេចមហាបវរធិបតី ហ៊ុន ម៉ាណែត បានសម្ដែងនូវការកោតសរសើរ និងថ្លែងអំណរគុណចំពោះអាចារ្យ-អាចារិនី ទាំងអស់នៅទូទាំងប្រទេស ដែលបានចូលរួមជាមួយរាជរដ្ឋាភិបាល ក្នុងការលើកកម្ពស់វិស័យព្រះពុទ្ធសាសនានៅកម្ពុជា ព្រមទាំងប្រឹងប្រែងថែរក្សាប្រពៃណី ទំនៀមទម្លាប់ និងវប្បធម៌ដ៏ល្អផូរផង់របស់ជនជាតិខ្មែរ។
* សម្តេចមហាបវរធិបតី ហ៊ុន ម៉ាណែត វាយតម្លៃខ្ពស់ចំពោះក្រសួងធម្មការ និងសាសនា ដែលបានខិតខំបំពេញតួនាទីភារកិច្ច ប្រកបដោយស្មារតីបុរេសកម្ម, អន្តរសកម្ម និងការទទួលខុសត្រូវខ្ពស់ ក្នុងការដឹកនាំសម្របសម្រួល និងជំរុញការអភិវឌ្ឍវិស័យព្រះពុទ្ធសាសនា និងថែរក្សាសុខដុម ជំនឿសាសនានៅកម្ពុជា ជាពិសេសការដាក់ចេញនូវប្រធានបទ «តួនាទីព្រះពុទ្ធសាសនាក្នុង យុគសម័យឌីជីថល» ដើម្បីជំរុញការប្រើប្រាស់បណ្តាញសង្គម សម្រាប់ការរៀន ការបង្រៀន និងការផ្សព្វផ្សាយព្រះធម៌។
* សម្តេចមហាបវរធិបតី ហ៊ុន ម៉ាណែត លើកទឹកចិត្តដល់អាចារ្យ-អាចារិនីទូទាំងប្រទេស បន្តបេសកកម្ម ដ៏ឧត្ដុង្គឧត្តមរបស់ខ្លួន ដោយប្រកាន់ខ្ជាប់នូវសីលធម៌ គុណធម៌ និងស្មារតីទទួលខុសត្រូវខ្ពស់ ព្រមទាំងបន្តចូលរួមថែរក្សា ការពារ និង ផ្សព្វផ្សាយព្រះពុទ្ធសាសនា ប្រពៃណី ទំនៀមទម្លាប់ និងវប្បធម៌ជាតិ ពីមួយជំនាន់ទៅមួយជំនាន់ ដើម្បីចូលរួមចំណែកកសាងសង្គមកម្ពុជា ប្រកបដោយសាមគ្គីភាព សុខដុមរមនា និង វិបុលភាព។
* សម្តេចមហាបវរធិបតី ហ៊ុន ម៉ាណែត បានរំលឹកថា សម្តេចធ្លាប់ជជែកជាមួយរដ្ឋមន្ត្រីក្រសួងវប្បធម៌ ឱ្យអប់រំអ្នកផ្តល់សេវាសំអាងការ ប្រើប្រាស់សម្លៀកបំពាក់ឱ្យត្រូវក្បួនខ្នាតរបស់ខ្មែរ កុំយករបស់គេដោយគ្រាន់តែឃើញស្អាត ឃើញទំនង។
* សម្តេចមហាបវរធិបតី ហ៊ុន ម៉ាណែត បានថ្លែងថា អ្នកខ្លះរវល់រឿង Like Share ឃើញគេដួលម៉ូតូ អត់ជួយលើក។
* សម្តេចមហាបវរធិបតី ហ៊ុន ម៉ាណែត បានថ្លែងថា ដើម្បី Like Share ត្រូវបង់តម្លៃអត្តសញ្ញាណរបស់ជាតិដែរទេ?
* សម្តេចមហាបវរធិបតី ហ៊ុន ម៉ាណែត បានថ្លែងថា ការអប់រំផ្នែកសីលធម៌ គឺជារឿងសំខាន់ណាស់សម្រាប់សង្គម។
* សម្តេចមហាបវរធិបតី ហ៊ុន ម៉ាណែត បានថ្លែងថា សីលធម៌ និងគុណធម៌ មានតម្លៃធំណាស់សម្រាប់ការរស់នៅ និងប្រកបវិជ្ជាជីវៈផ្សេងៗក្នុងសង្គម។
* សម្តេចមហាបវរធិបតី ហ៊ុន ម៉ាណែត បានថ្លែងថា នៅថ្ងៃម្សិលមិញសម្តេច បានជួបជាមួយអ្នកវិភាគសង្គមចាស់វស្សាមួយរូប។
* សម្តេចមហាបវរធិបតី ហ៊ុន ម៉ាណែត បានថ្លែងថា ការវិភាគមានទឡ្ហីករណ៍ច្បាស់លាស់ សម្តេចស្តាប់ តែកុំវិភាគបែបស៊ីអារម្មណ៍។
* សម្តេចមហាបវរធិបតី ហ៊ុន ម៉ាណែត បានថ្លែងថា វប្បធម៌សន្ទនា ជាវប្បធម៌ដែលបក្សប្រជាជនកម្ពុជាប្រកាន់យកតាំងពីដើមមក តែត្រូវមានភាពស្មោះត្រង់។ កុំសន្ទនានៅភ្នំពេញ ដល់បារាំងជេរ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការតែងតាំងលោកស្រី កឹម មនោវិទ្យា ជាប្រេសិតពិសេស ព្រោះគាត់មានសមត្ថភាព និងមានទំនាក់ទំនងក្រៅប្រទេសច្រើន ដែលជាពេលវេលាកម្ពុជាត្រូវការចាំបាច់។
សម្តេចមហាបវរធិបតី ហ៊ុន ម៉ាណែត ប្រកាសស្វាគមន៍រាល់អ្នកមានបំណងចូលរួមជួយជាតិ ទោះបីមិនចូលបក្សប្រជាជនកម្ពុជាក៏ដោយ។
សម្តេចមហាបវរធិបតី ហ៊ុន ម៉ាណែត បានថ្លែងថា មានអ្នកប្រឆាំងជាច្រើនឆាតទៅជជែកជាមួយសម្តេច តែមិនឱ្យបញ្ចេញព្រោះខ្លាចគេជេរថា «ក្បត់ជាតិ»។
* សម្តេចមហាបវរធិបតី ហ៊ុន ម៉ាណែត ចាត់ទុកការតែងតាំងលោកស្រី កឹម មនោវិទ្យា ជាប្រេសិតពិសេស ជាស្មារតីរួបរួម និងរួមគ្នាជួយជាតិ។
* សម្តេចមហាបវរធិបតី ហ៊ុន ម៉ាណែត ហៅលោក អ៊ុក វណ្ណដេ ជាសេដ្ឋីអត់ទ្រព្យ។ នៅថ្ងៃទី១៨ ខែសីហា សម្តេច បានហៅលោកមកជួបផ្ទាល់។
* សម្តេចមហាបវរធិបតី ហ៊ុន ម៉ាណែត បានថ្លែងថា រឿងសាលាដូង មិនពាក់ព័ន្ធឧកញ៉ា ជឹង សុភាព នោះទេ ហើយសម្តេចសម្រេចមិនឱ្យរុះរើនោះឡើយ។
* សម្តេចមហាបវរធិបតី ហ៊ុន ម៉ាណែត ប្រកាសផ្តល់ថវិកា៥លានរៀល និងអង្ករ ១តោន ដល់សាលាដូង។
* សម្តេចមហាបវរធិបតី ហ៊ុន ម៉ាណែត ណែនាំក្រសួងធម្មការ និងសាសនា ត្រូវពង្រឹងការដឹកនាំការអភិវឌ្ឍវិស័យព្រះពុទ្ធសាសនា ប្រកបដោយប្រសិទ្ធភាព ភាពស័ក្តិសិទ្ធ និងស្របតាមការវិវត្តនៃសង្គម ព្រមទាំងសិក្សាដាក់ចេញនូវគោលនយោបាយ យុទ្ធសាស្ត្រ និងវិធានការសម្រាប់អភិវឌ្ឍវិស័យព្រះពុទ្ធសាសនានៅកម្ពុជា ប្រកបដោយចក្ខុវិស័យវែងឆ្ងាយ និងប្រាកដនិយម ឱ្យក្លាយជាកម្លាំងសីលធម៌សង្គមខ្មែរដ៏ពិតប្រាកដ និងសសរស្តម្ភនៃសុខដុមជំនឿសាសនា ជារៀងរហូត។ ទន្ទឹមនេះ ក្រសួងធម្មការ និងសាសនា ត្រូវជំរុញការបង្កើតសមាគមអាចារ្យខ្មែរ សម្រាប់តម្រង់ទិស, រក្សាអត្តសញ្ញាណជាតិ និងអភិរក្សមរតកវប្បធម៌ខ្មែរ។
* សម្តេចមហាបវរធិបតី ហ៊ុន ម៉ាណែត បានណែនាំក្រសួងធម្មការ និងសាសនា ត្រូវជំរុញយុទ្ធនាការបើកវគ្គបណ្តុះបណ្តាលស្តីពីតួនាទី ភារកិច្ច និង ក្រមសីលធម៌អាចារ្យខ្មែរ ដល់អាចារ្យ-អាចារិនី ឱ្យបានទូលំទូលាយ ដើម្បីបន្តដោះស្រាយ «វិបត្តិអាចារ្យខ្មែរ», បំបិទ «គម្លាតជំនាន់» ដែលអាចបង្កជាវិបត្តិអាចារ្យនាពេលខាងមុខ, អភិរក្ស និង លើកកម្ពស់តម្លៃវប្បធម៌ ប្រពៃណី និង ទំនៀមទម្លាប់ខ្មែរ ក៏ដូចជាបំពេញតម្រូវការរបស់ប្រជាពុទ្ធបរិស័ទនៅទូទាំងប្រទេស។ ជាមួយនេះ ក្រសួងធម្មការ និងសាសនា ត្រូវបង្កើនចំនួន និងសមត្ថភាពរបស់ឧទ្ទេសាចារ្យ, ព្រមទាំង កែលម្អឯកសារសិក្សា និង មុខវិជ្ជាបង្រៀន ដើម្បីធានាគុណភាព ប្រសិទ្ធភាព និង ភាពគ្រប់ជ្រុងជ្រោយ នៃការបណ្តុះបណ្តាល សំដៅបំពេញតម្រូវការពិតប្រាកដ នៃការរៀបចំពិធីកម្មសាសនា និងពិធីមង្គលនានានៅក្នុងប្រទេស។
* សម្តេចមហាបវរធិបតី ហ៊ុន ម៉ាណែត ណែនាំក្រសួងធម្មការ និងសាសនា ត្រូវពង្រឹងកិច្ចសហការជាមួយក្រសួងស្ថាប័នពាក់ព័ន្ធ រៀបចំវគ្គបណ្តុះបណ្តាល តម្រង់ទិសដល់ប្រតិបត្តិករ ដើម្បីឱ្យការរៀបចំពិធីកម្មសាសនា និង ពិធី- មង្គលផ្សេងៗ ស្របតាមប្រពៃណី និង ទំនៀមទម្លាប់ខ្មែរ។ ក្នុងពិធីកម្មសាសនានានា, អាចារ្យ-អាចារិនី សូមយកឱកាសនោះ ដើម្បីអប់រំសីលធម៌ សុជីវធម៌ និងកតញ្ញុតាធម៌ ដល់ប្រជាពលរដ្ឋ ជាពិសេសយុវជន និងកុមារ ព្រមទាំង ណែនាំឱ្យយុវជនចៀសឆ្ងាយពីអំពើអបាយមុខនានា។
* សម្តេចមហាបវរធិបតី ហ៊ុន ម៉ាណែត ណែនាំក្រសួងធម្មការ និងសាសនា ត្រូវបន្តសហការជិតស្និទ្ធជាមួយភាគីពាក់ព័ន្ធ ដើម្បីលើកកម្ពស់សុខដុមជំនឿសាសនានៅកម្ពុជា តាមរយៈការគោរពការយោគយល់ ការសន្ទនា និងកិច្ចសហការរវាងសាសនា ដោយផ្តោតលើការរួមគ្នាលើកកម្ពស់សីលធម៌ សាមគ្គីភាព សន្តិភាព និង សុខដុមរមនាក្នុងសង្គម ដើម្បីឱ្យគ្រប់សាសនាក្លាយជាកម្លាំងវិជ្ជមាន ក្នុងការរួមចំណែកកាន់តែសកម្មដល់ការអភិវឌ្ឍសង្គមសេដ្ឋកិច្ចជាតិ។
* សម្តេចមហាបវរធិបតី ហ៊ុន ម៉ាណែត ណែនាំថា ក្នុងពិធីបុណ្យបែបព្រះពុទ្ធសាសនា, ទាំងមង្គល និងអវមង្គល និងពិធីកម្មតាមបែប ប្រពៃណីទំនៀមទម្លាប់បុរាណក្តី សុទ្ធសឹងតែបង្កប់ទៅដោយគោលគំនិត គតិបណ្ឌិត និង ទស្សនវិជ្ជា អប់រំ ដែលមានតម្លៃមិនអាចកាត់ថ្លៃបាន។
