កិច្ចប្រជុំ បូកសរុបលទ្ធផលការងារដែលសម្រេចបានឆ្នាំ២០២០កន្លងមក និងលើកទិសដៅអនុវត្តបន្តសម្រាប់ឆ្នាំ២០២១ របស់សមាគមសម្ព័ន្ធយុវជនមុស្លិមកម្ពុជា (ស.យ.ម.ក) ខេត្តកំពង់ឆ្នាំង

ឯកឧត្តមបណ្ឌិត អូស្មាន ហាស្សាន់ បានមានប្រសាសន៏ថា ក្នុងនាមពលរដ្ឋ និងយុវជន គឺមានកាតព្វកិច្ចត្រូវតែចូលរួមបំពេញរាល់កិច្ចការងារសង្គម និងសហគមរបស់យើង។ អ្វីកើតឡើង និងទទួលបានជាបន្តបន្ទាប់មកដល់ពេលនេះ ក៏ដោយសារតែរលកមុនដែលធ្លាប់ជាយុវជន ជាកោសិកាសង្គម ដែលបានខិតខំប្រឹងប្រែងលះបង់គ្រប់បែបយ៉ាងដើម្បីសង្គម និងជាតិទាំងមូល។ ហេតុនេះ ក្នុងនាមកូនក្មួយជាយុវជនបច្ចុប្បន្នត្រូវដាក់ខ្លួន ហ៊ានលះបង់កម្លាំងកាយពេលវេលា ប្រកបដោយឆន្ទៈ ដើម្បីបន្តវេណជាអ្នកបានចូលរួមកសាងសង្គមជាតិយើង ដូចជាស្នាដៃនានាដែលថ្នាក់ដឹកនាំរាជរដ្ឋាភិបាល ជាពិសេសសម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាល បច្ចុប្បន្នបានធ្វើកន្លងមកតាំងពីខ្លួននៅយុវជនមកម្លេះ ហើយលោកលើកទឹកចិត្ត និងយកចិត្តទុកដាក់ណាស់ដល់កូនក្មួយយុវជនទាំងអស់ ។

បន្ទាប់មក ឯកឧត្តមបណ្ឌិត អូស្មាន ហាស្សាន់ បានផ្តល់ប័ណ្ណសរសើរដល់ ស.យ.ម.ក ខេត្តកំពង់ឆ្នាំង ជាការលើកទឹកចិត្ត និងថ្លែងអំណរគុណដល់ការខិតខំប្រឹងប្រែងចូលរួមគ្រប់សកម្មភាពការងារក្នុងជួរយុវជន នៅតាមសហគមន៍របស់ខ្លួនផងដែរ ។

On the Morning of 14 February 2021, Her H.E. Marn Navy, Member of the National Assembly for Phnom Penh and Her H.E. Kob Marayas, Member of the National Assembly for Kampong Chhnang Province and other senior officials of the National Assembly, participated in the annual meeting to review this old work performance for 2020 and set forth the new goals for 2021 under the chairmanship of H.E,. Osman Hassan, Senior Minister in charge of Special Mission.