នៅសាលាសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ នារសៀលថ្ងៃទី២៦ ខែមេសា ឆ្នាំ២០២២ លោកជំទាវ ឡោក ខេង ប្រធានគណៈកម្មការទី៨ នៃរដ្ឋសភា និងជាតំណាងរាស្រ្តមណ្ឌលរាជធានីភ្នំពេញ បានអញ្ជើញចុះជួបសំណេះសំណាលជាមួយបងប្អូនប្រជាពលរដ្ឋចំនួន ២១១គ្រួសារ នៅភូមិដេីមស្លែង១ សង្កាត់ច្បារអំពៅទី២ ដេីម្បីពិនិត្យ និងស្តាប់ពីការវាយតម្លៃ នូវចំណុចវិជ្ជមាន និងអវិជ្ជមាន នៃការដឹកនាំក្នុងការអភិវឌ្ឍភូមិសង្កាត់ និងសេវាសាធារណ: នានាដែលប្រជាពលរដ្ឋត្រូវការក្នុងការរស់នៅ និងបំពេញការងារនានា ។
ក្នុងឱកាសនោះ បងប្អូនប្រជាពលរដ្ឋបានសម្ដែងក្តីរីករាយដែលបានជួបជុំគ្នានៅពេលនេះ ព្រោះពិតជាបានបញ្ជាក់ច្បាស់ថា យេីងបានរួចផុតពីគ្រោះចង្រៃនៃរោគរាតត្បាតដ៏សាហាវនៅលេីពិភពលោកគឺកូវីដ-១៩ បងប្អូនប្រជាពលរដ្ឋពិតជាបានយល់ច្បាស់ពីកិច្ចខិតខំ ប្រយុទ្ធការពារអាយុជីវិតប្រជាជន និងការឧបត្ថម្ភគាំទ្រគ្រប់បែបយ៉ាងពីរាជរដ្ឋាភិបាល ពីអាជ្ញាធរដែនដីគ្រប់លំដាប់ថ្នាក់ ពីកងកម្លាំងប្រដាប់អាវុធ ដែលបានលះបង់តស៊ូក្នុងដំណាក់កាលកូវីដ រយ:ពេលជាងពីរឆ្នាំនេះ ។
លោកជំទាវ ឡោក ខេង បានលើកឡើងថា តាមរយៈ លទ្ធផលនៃការពិនិត្យ ការអនុវត្តតួនាទីភារកិច្ច របស់ក្រុមប្រឹក្សាសង្កាត់ច្បារអំពៅទី២ ពីបងប្អូនប្រជាពលរដ្ឋក្នុងមូលដ្ឋានគឺមានលទ្ធផលល្អប្រសេីរ ។
លោកជំទាវបានសម្តែងការអរគុណចំពោះការខិតខំបម្រើបងប្អូនប្រជាពលរដ្ឋគ្រប់កាល:ទេស:របស់ក្រុមប្រឹក្សាសង្កាត់ទោះក្នុងហានិភ័យនៃកូវីដ-១៩ ក៏ដោយ ។
ជាមួយនេះលោកជំទាវបានលើកឡើងថា ការយកជីវិតធ្វេីដេីមទុន សង្គ្រោះជីវិតពីរបបប៉ុលពត ការខិតខំស្វែងរកការឯកភាពជាតិខ្មែរតែមួយដេីម្បីទទួលបានសន្តិភាពពេញលេញទូទាំងប្រទេស ការប្តេជ្ញាចិត្តនយោបាយដ៏ខ្ពង់ខ្ពស់របស់រាជរដ្ឋាភិបាលក្រោមគតិបណ្ឌិតសម្តេចតេជោក្នុងការប្រយុទ្ធការពារអាយុជីវិតបងប្អូនប្រជាជនពីជំងឺកូវីដ-១៩ និងការអភិវឌ្ឍលេីគ្រប់វិស័យ ពិសេសហេដ្ឋារចនាសម្ព័ន្ធគ្រប់រាជធានីខេត្ត ទោះក្នុងដំណាក់កាលកូវីដក៏ដោយ គឺពិតជាធ្វេីអោយបងប្អូនប្រជាពលរដ្ឋមានភាពជឿជាក់កក់ក្តៅ និងមោទន:ភាពបំផុត ចំពោះការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ៕
