(ស្ទឹងត្រែង)៖ ឯកឧត្តម ស្វាយ សំអ៊ាង អភិបាលខេត្តស្ទឹងត្រែង នាព្រឹកថ្ងៃទី១៣ ខែតុលា ឆ្នាំ២០២២ បានអញ្ជើញជាអធិបតីក្នុងឱកាសការប្រារព្ធទិវាទេសចរណ៍ពិភពលោកឆ្នាំ២០២២ ក្រោមប្រធានបទ
ប្រធានមន្ទីរទេសចរណ៍៖ ខេត្តស្ទឹងត្រែង គឺជាខេត្តមួយដែលមានសក្តានុពលខ្ពស់ ពីវិស័យទេសចរណ៍បែបធម្មជាតិ វប្បធម៌ និងប្រវត្តិសាស្រ្ត
ទិវាពិភពលោកស្អាត។ ចូលរួមក្នុងពិធីនេះរួមមាន ថ្នាក់ដឹកនាំខេត្ត កងកម្លាំងប្រដាប់អាវុធគ្រប់ប្រភេទ មន្រ្តីរាជការជុំវិញខេត្ត លោកគ្រូ អ្នកគ្រូ សិស្ស និសិត្ស យុវជននិងប្រជាពលរដ្ឋជាច្រើននាក់ផងដែ។
បើតាមការឲ្យដឹងពី លោក អ៊ន់ ប៉ោសឿន ប្រធានមន្ទីរទេសចរណ៍ ខេត្តស្ទឹងត្រែង បាននិយាយថា ការរៀបចំពិធីអបអរសាទរ ទិវាទេសចរណ៍ពិភពលោក ឆ្នាំ២០២២ ក្រោមប្រធានបទ ការគិតគូរពីទេសចរឡើងវិញនោះ ពីព្រោះថា ខេត្តស្ទឹងត្រែង គឺជាខេត្តមួយ ដែលមានសក្តានុពលខ្ពស់ ពីវិស័យទេសចរណ៍ បែបធម្មជាតិ វប្បធម៌ និងប្រវត្តិសាស្រ្ត។
ទេសចរណ៍ខេត្តនេះ មានសក្តានុពល រួមមាន ទន្លេបួន ហូរកាត់ខេត្ត, មានតំបន់រ៉ាំសារ ព្រៃលិចទឹក ទន្លេមេគង្គ ព្រៃធម្មជាតិ តំបន់ភ្នំ មានប្រាសាទបុរាណ សត្វផ្សោតទន្លេមេគង្គ និងបងប្អូនជនជាតិដើមភាគតិច។ ធនធានទាំងនេះ ដែលសុទ្ធសឹងមានសក្តានុពល ក្នុងការរៀបចំអភិវឌ្ឍន៍ទេសចរណ៍ ដែលមានការចាប់អារម្មណ៍ ពីអ្នកវិនិយោគទាំងក្នុងស្រុក និងក្រៅស្រុក ធ្វើការអភិវឌ្ឍលើវិស័យទេសចរណ៍នេះ។ នេះជាការបង្ហាញពីលោក អ៊ន់ ប៉ោសឿន។
ក្នុងឱកាសនោះដែរ ឯកឧត្តម ស្វាយ សំអ៊ាង បានថ្លែងថា បើទីក្រុងស្អាត នាំមកនូវសុខភាពល្អ។ ការរស់នៅប្រកបដោយផាសុខភាព គឺផ្តើមចេញពីទាំងអស់គ្នា គ្រួសារ និងសហគមន៍ ព្រមទាំងទាក់ទាញទេសចរណ៍ចូលមកកំសាន្តសប្បាយ ឬស្នាក់នៅក្នុងខេត្ត បង្កើនប្រាក់ចំណូលដល់ប្រជាពលរដ្ឋផងដែរ។
ទន្ទឹមនឹងនោះឯកឧត្តម ស្វាយ សំអ៊ាង បានអំពាវនាវដល់ កងកំលាំងប្រដាប់អាវុធគ្រប់ប្រភេទ មន្រ្តីរាជការជុំវិញខេត្ត លោកគ្រូ អ្នកគ្រូ សិស្ស និសិត្ស យុវជន និងប្រជាពលរដ្ឋ ត្រូវចូលរួមទាំងអស់គ្នា ដោយមិនសំដៅលើការសម្អាតសំរាមតែមួយមុខនោះទេ ត្រូវគិតទៅលើកត្តាសន្តិសុខ សណ្តាប់ធ្នាប់សាធារណៈ ការអនាម័យតាមគេហដ្ឋាន ការថែរក្សាទ្រព្យសម្បត្តិសាធារណៈផងដែរ៕
