នាព្រឹកថ្ងៃទី០៥ ខែមីនា ឆ្នាំ២០២៦នេះ នៅសាលប្រជុំព្រៃបាសាក់អាគារ”ខ”សាលាខេត្ត ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀងបានអញ្ជេីញចូលរួមកិច្ចប្រជុំត្រៀមរៀបចំពិធីទិវាមច្ឆាជាតិនៅខេត្តស្វាយរៀង ជាមួយឯកឧត្តម ពុំ សុថា ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផល នៃក្រសួងកសិកម្មរុក្ខាប្រមាញ់ និងនេសាទ។
កិច្ចប្រជុំនេះក៏មានការអញ្ជេីញចូលរួមពីប្រតិភូរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ លោកអភិបាលរងខេត្ត លោកស្នងការរងនគរបាលខេត្ត លោកមេបញ្ជាការរងកងរាជអាវុធហត្ថខេត្ត លោកនាយករងរដ្ឋបាលសាលាខេត្ត លោកអភិបាលរងក្រុងស្វាយរៀង លោកប្រធានមន្ទីរកសិកម្មខេត្ត លោកអនុប្រធានមន្ទីរអភិវឌ្ឍន៍ជនបទខេត្ត លោកអនុប្រធានមន្ទីរសាធារណការ និងដឹកជញ្ជូនខេត្ត លោកអនុប្រធានមន្ទីរធនធានទឹក និងឧតុនិយមខេត្ត លោកនាយខណ្ឌរដ្ឋបាលជលផលស្វាយរៀង លោកនាយកទីចាត់ការរដ្ឋបាលសាលាខេត្ត លោកនាយកទីចាត់ការហិរញ្ញវត្ថុសាលាខេត្ត និងលោកនាយកទីចាត់ការអន្តរវិស័យសាលាខេត្ត។
ក្រោយចប់កិច្ចប្រជុំនេះ ឯកឧត្តមអភិបាលខេត្ត និងឯកឧត្តមប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផលព្រមទាំងសហការី បានអញ្ជេីញចុះពិនិត្យទីតាំងផ្ទាល់ផងដែរនៅមាត់ទន្លេវ៉ៃគោ ក្រុងស្វាយរៀងដេីម្បីត្រៀមលក្ខណៈរៀបចំប្រារព្ធពិធីនាពេលខាងមុខ។
