នៅព្រឹកថ្ងៃទី ២៥ ខែ មករា ឆ្នាំ ២០២១ ឯកឧត្តម ញ៉ូវ សុង សមាជិកក្រុម សមាជិកព្រឺទ្ធសភាប្រចាំភូមិភាគ៧ និង
ឯកឧត្តម ខូយ សុខា សមាជិករដ្ឋសភាមណ្ឌល ខេត្តពោធិ៍សាត់ ដោយមានការចូលរួមពី លោក សោម វិសាល ប្រធានក្រុមប្រឹក្សាស្រុកភ្នំក្រវាញ ព្រមទាំងលោកជាសមាជិកក្រុមប្រឹក្សាស្រុក បានអញ្ជើញចុះជួបសំណេះសំណាលជាមួយនឹងក្រុមប្រឹក្សាឃុំ ជំនួយការឃុំ ប្រធានភូមិ ប្រធានប៉ុស្តិ៍រដ្ឋបាលចំនួន ២ឃុំ គឺឃុំលាច និង ឃុំបាក់ចិញ្ចៀន ដើម្បីស្វែងយល់ពីវឌ្ឍនភាព នៃការងារសន្តិសុខសណ្តាប់ធ្នាប់ និងការអភិវឌ្ឍន៍សេដ្ឋកិច្ចសង្គម និងបញ្ហាប្រឈមផ្សេងៗនៅមូលដ្ឋានផ្ទាល់ នៅក្នុងឳកាសនោះឯកឧត្តម ញ៉ូវ សុង បានលើកឡើងពីសភាពការណ៍ថ្មីៗក្នុងនិងក្រៅប្រទេសជាពិសេសការងារទប់ស្កាត់ជំងឺកូវីដ១៩ សំណូមពរឲ្យបងប្អូនប្រជាពលរដ្ឋអនុវត្តវិធានការ ៣ការពារ និង៣កុំ ដែលសម្តេចនាយករដ្ឋមន្ត្រីនិងរាជរដ្ឋាភិបាលបានដាក់ចេញ ចុងក្រោយឯកឧត្តម បានឧបត្ថម្ភថវិកាដល់សមាជិកអង្គប្រជុំទាំងអស់ (២ឃុំ ) នូវទឹកប្រាក់សរុបចំនួន ១.៧០០.០០០ រៀល ។
