រសៀលថ្ងៃព្រហស្បតិ៍ ១៥ កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ២៨ ខែ មីនា ឆ្នាំ២០២១ ឯកឧត្តម ឈិត សុខុន រដ្ឋមន្រ្តីក្រសួងធម្មការ និងសាសនា និងលោកជំទាវ បានអញ្ជើញចូលរួមជាអធិបតីស្តាប់ព្រះធម៌ទេសនា ក្នុងនាទីព្រះពុទ្ធសាសនាផ្សារភ្ជាប់ នឹងសង្គមលើកទី២៤៦ លើប្រធានបទ “ព្រឹត្តិការសំខាន់ៗនៃបុណ្យមាឃបូជា” ដែលមានការអញ្ជើញចូលរួមពីឯកឧត្តម លោកជំទាវ លោក លោកស្រី ជាថ្នាក់ដឹកនាំ មន្រ្តីរាជការ សីលវន្ត សីលវតី លោកគ្រូ អ្នកគ្រូ សិស្សានុសិស្ស និងពុទ្ធបរិស័ទ នៅទីស្តីការក្រសួង។
កម្មវិធីសម្តែងព្រះធម៌ទេសនានេះ ក៏មានគោលបំណងរួមចំណែកដល់ការអប់រំទូន្មាន ពុទ្ធបរិស័ទឱ្យយល់ដឹងអំពី៖
១.ការប្រកាន់ខ្ជាប់នូវអំពើល្អ សីលធម៌ សុជីវធម៌ គុណធម៌ ក្នុងសង្គម
២-ទប់ស្កាត់ការរីករាលដាលជំងឺកូវីដ-១៩
៣-បង្ការការរីករាលដាលមេរោគអេដ៍ និងជំងឺអេដ៍
៤-ចៀសផុតពីការសេពគ្រឿងញៀន គ្រឿងស្រវឹង, និងការជួញដូរមនុស្ស
៥-ចៀសផុតពីអំពើហិង្សាក្នុងគ្រួសារ និងក្នុងសង្គម។
៦-បង្ការគ្រោះថ្នាក់ចរាចរ
៧-រួមចំណែករក្សា ភូមិ ឃុំ មានសុវត្ថិភាព
៨-អក្ខរកម្មឆ្ពោះទៅរកការសិក្សាពេញមួយជីវិត និងទី៩-ការចិញ្ចឹមកូនបែបវិជ្ជមាន៕
