នៅព្រឹកថ្ងៃចន្ទ ទី២២ ខែកក្កដា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតឱ្យ ឯកឧត្តម វ៉ាង វិនពីង (Wang Wenbin) ឯកអគ្គរដ្ឋទូតចិន ប្រចាំនៅកម្ពុជា ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។
ឯកឧត្តម វ៉ាង វិនពីង មានអតីតភាពជាអ្នកនាំពាក្យដ៏ឆ្នើមមួយរូបរបស់ក្រសួងការបរទេសចិន ហើយគេបានផ្តល់រហស្សនាមឱ្យឯកឧត្តមថា «អ្នកចម្បាំងចចក»។ ឯកឧត្តមត្រូវបានរដ្ឋាភិបាលចិន សម្រេចតែងតាំងជាឯកអគ្គរដ្ឋទូតថ្មីប្រចាំនៅកម្ពុជា។
ឯកឧត្តម វ៉ាង វិនពីង បានអញ្ជើញមកដល់ប្រទេសកម្ពុជា កាលពីយប់ថ្ងៃទី៥ ខែកក្កដា ឆ្នាំ២០២៤។ ឯកឧត្តម វ៉ាង វិនពីង បានប្តេជ្ញាប្រឹងប្រែងលើកកម្ពស់ទំនាក់ទំនង និងកិច្ចសហប្រតិបត្តិការកម្ពុជា-ចិន ឱ្យកាន់តែល្អប្រសើរថែមទៀត។
ជាមួយការផ្តើមការងារជាឯកអគ្គរដ្ឋទូតនៅកម្ពុជា ឯកឧត្តម វ៉ាង វិនពីង បានជួយផ្សព្វផ្សាយតំបន់ទេសចរណ៍ និងផលិតផលរបស់កម្ពុជាផងដែរ៕
