ទីក្រុង តូក្យូ៖ ថ្នាក់ដឹកនាំក្រសួងអប់រំ យុវជន និងកីឡា ដឹកនាំដោយឯកឧត្ដមបណ្ឌិតសភាចារ្យ ណាត ប៊ុនរឿន រដ្ឋលេខាធិការ បានចូលរួមកិច្ចប្រជុំព្រមទាំងចុះហត្ថលេខាលើកិច្ចព្រមព្រៀងជាមួយភាគីជប៉ុន ស្តីពីគម្រោងសាងសង់ និងផ្គត់ផ្គង់សម្ភារៈបរិក្ខារដល់វិទ្យាស្ថានគរុកោសល្យនៅរាជធានីភ្នំពេញ និងបាត់ដំបង។ បេសកកម្មចូលរួមកិច្ចប្រជុំនេះបានប្រព្រឹត្តទៅចាប់ពីថ្ងៃអាទិត្យ ១៤រោច ខែបុស្ស សៅរ៍ ៥កើត ខែមាឃ ឆ្នាំច សំរឹទ្ធិស័ក ព.ស.២៥៦២ នៅទីក្រុង តូក្យូ ប្រទេស ជប៉ុន។
កិច្ចព្រមព្រៀងនេះត្រូវបានចុះហត្ថលេខាដោយឯកឧត្ដមបណ្ឌិតសភាចារ្យ ណាត ប៊ុនរឿន រដ្ឋលេខាធិការ ក្រសួងអប់រំ យុវជន និងកីឡា និងតំណាងភាគីជប៉ុន។ សូមជម្រាបថា តាមរយៈកិច្ចព្រមព្រៀងនេះ គម្រោងសាងសង់នឹងចាប់ផ្ដើមនៅដើមខែមីនា ឆ្នាំ២០១៩នេះ ដោយបញ្ចប់នៅថ្ងៃទី៣១ ខែតុលា ឆ្នាំ២០២០៕
