ខេត្តព្រះវិហារ៖នៅព្រឹកថ្ងៃទី២៦ ខែ មីនា ឆ្នាំ ២០១៩ នៅសាលប្រជុំជាន់ ទី៣ រដ្ឋបាលខេត្តព្រះវិហារ បានបើក សម័យប្រជុំសាមញ្ញលើកទី៥៨ របស់ក្រុមប្រឹក្សាខេត្ត អាណត្តិទី២ ក្រោមអធិបតីភាព ឯកឧត្ដម ឡុង សុវណ្ណ ប្រធានក្រុមប្រឹក្សាខេត្ត និងឯកឧត្តម អ៊ុន ចាន់ដា អភិបាលខេត្ត និងមានការចូលរួមពី ឯកឧត្តម លោកជំទាវ សមាជិក ក្រុមប្រឹក្សាខេត្ត គណៈអភិបាលខេត្ត មន្ទីរ-អង្គ ភាពជំនាញជុំវិញខេត្ត។
សម័យប្រជុំសាមញ្ញលើកទី៥៨នេះ មានរបៀបវារៈ ចំនួន៤ គឺ
ទី១ ៖ ពិនិត្យ និងអនុម័តសេចក្តីព្រាងកំណក់ហេតុ ស្ដីពីកិច្ចប្រជុំសាមញ្ញលើកទី៥៧ របស់ក្រុមប្រឹក្សាខេត្ត អាណត្តិទី០២។
ទី២ ៖ ពិនិត្យ និងអនុម័តសេចក្ដីព្រាងរបាយការណ៍ប្រចាំឆ្នាំ២០១៨ របស់រដ្ឋបាលខេត្តព្រះវិហារ។
ទី៣ ៖ ពិនិត្យ និងអនុម័តសេចក្ដីព្រាងរបាយការណ៍ប្រចាំខែមីនា ឆ្នាំ២០១៩ របស់រដ្ឋបាលខេត្តព្រះវិហារ។
ទី៤ ៖ បញ្ហាផ្សេងៗ ជម្រាបជូនអំពី
-ត្រៀមរៀបចំកម្មវិធីចុះសួរសុខទុក្ខកងកម្លាំងប្រដាប់អាវុធ កងកម្លាំងតាមបណ្ដោយព្រំដែន អ្នកមានជំងឺ កុមារកំព្រា និងជនពិការ។
-ពិធីបុណ្យចូលឆ្នាំថ្មីប្រពៃណីជាតិខ្មែរ ថ្ងៃទី១៤-១៦ ឆ្នាំ២០១៩៕