នាព្រឹកថ្ងៃព្រហស្បតិ៍ ០៧កើត ខែចេត្រ ឆ្នាំច សំរឹទ្ធិស័កព.ស២៥៦២ ត្រូវនឹងថ្ងៃទី១១ ខែមេសា ឆ្នាំ២០១៩នេះ នាឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ព.ស២៥៦៣ គ.ស២០១៩ រដ្ឋបាលរាជធានីភ្នំពេញបានប្រារព្ធពិធីសូត្រមន្តលើករាសី ប្រសិទ្ធពរជ័យ សិរីសួស្ដី ជ័យមង្គល វិបុលសុខ ជូនដល់បងប្អូនប្រជាពលរដ្ឋទូទាំងរាជធានីភ្នំពេញ ក្រោមអធិបតីភាព ឯកឧត្ដម ម៉ប់ សារិន ប្រធានក្រុមប្រឹក្សារាជធានីភ្នំពេញ និងលោកជំទាវ ឯក វណ្ណតារា ម៉ប់ សារិន ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកជំទាវ ជា សុីណា ឃួង ស្រេង និងដោយមានការអញ្ជើញចូលរួមពីសំណាក់ឯកឧត្ដម លោកជំទាវ សមាជិក សមាជិកាក្រុមប្រឹក្សារាជធានី លោក លោកស្រីសមាជិក សមាជិកាក្រុមប្រឹក្សាខណ្ឌ ប្រធានមន្ទីរជំនាញនានា និងមន្ត្រីរាជការទាំងអស់។
