នៅថ្ងៃអង្គារ ២កេីត ខែជេស្ឋ ឯកស័ក ព.ស.២៥៦៣ ត្រូវនឹងថ្ងៃទី៤ ខែមិថុនា ឆ្នាំ២០១៩ ក្នុងឱកាសអបអរសាទរការប្រារព្ធទិវាបរិស្ថានជាតិ និងបរិស្ថានពិភពលោក ៥មិថុនា ក្រោមប្រធានបទ “បញ្ឈប់ការបំពុលខ្យល់” ក្រុមហ៊ុនអាកាសយានដ្ឋានកម្ពុជា សហការជាមួយក្រសួងបរិស្ថាន បានរៀបចំទស្សនកិច្ចសិក្សារបស់សិស្សានុសិស្ស និងលោកគ្រូ អ្នកគ្រូ នៃសាលាបឋមសិក្សាតាំងក្រសាំង ក្នុងអាកាសយានដ្ឋានអន្តរជាតិភ្នំពេញ។
ទស្សនកិច្ចសិក្សានេះមានគោលបំណង ផ្តល់ចំណេះដឹងផ្នែកបរិស្ថាន ការទុកដាក់កាសំណល់ សំរាមប្លាស្ទិក និងការបំពុលខ្យល់ ជាដើម។ក្នុង ដំណេីរទស្សនកិច្ចនេះ ក្រុមហ៊ុនបាននាំសិស្សានុសិស្សស្គាល់ពីស្ថានីយ៍ពន្លត់អគ្គីភ័យរបស់ព្រលានយន្តហោះអន្តរជាតិ មេីលអាងប្រព្រឹត្តកម្ម ការចោលនិងទុកដាក់សំណល់ ការប្រេីប្រាស់ប្រអប់បាយ និងដបទឹកផងដែរ។
លោក Philippe Araujo អគ្គលេខាធិការអាកាសយានដ្ឋានអន្តរជាតិ បានកោតសរសេីរដល់ប្អូនៗសិស្សានុសិស្ស ដែលមានការយល់បានច្រេីនពីបរិស្ថាន ហេីយសង្ឃឹមថា សិស្សដែលបានមកទស្សនកិច្ចសិក្សានេះ ជួយណែនាំបន្តដល់មិត្តភក្ត ក៍ដូចជាសហគមន៍ ដែលគាត់រស់នៅឱ្យចេះស្រលាញ់ និងការពារ