ព្រឹកថ្ងៃទី២៧ ខែកក្កដា ឆ្នាំ២០១៩ ក្រុមការងារបច្ចេកទេសមន្ទីរសកដក្រចេះ បានចុះពិនិត្យជាក់ស្តែង ទីតាំងស្ពានសោប ជាប្រភេទស្ពានបេឡេត៍លើកំណាត់ផ្លូវខេត្តលេខ២៧៩ ត្រង់គម១១៦+៨៨០ ប្រវែង ៧៥ម ទទឹង ៤ម ស្ថិតក្នុងឃុំសោប ស្រុកព្រែកប្រសព្វ ខេត្តក្រចេះ ដែលបានស្រុតជើងទម្របេតុងទី១។
មូលហេតុនៃការស្រុតនេះបណ្តាលមកពីភ្លៀងធ្លាក់ច្រើន ចរន្តទឹកខ្លាំងច្រោះបាតព្រែក។
វិធានការចំពោះមុខ៖ មន្ទីរបានដាក់របាដែកកាត់ទទឹងស្ពានកំពស់២,៥ម ដើម្បីការពារឡានធំឆ្លងកាត់។
ដំណោះស្រាយ÷ លើកគម្រោងជើងទម្រដែកទល់ពីក្រោម
១ វាយសសរគ្រឹៈដែកH
២ ចាក់បេតុងសរសៃដែកជើងតាង
៣ ដំឡើងជើងទម្រថ្មី ដោយប្រើដែកH
៤ ជួសជុលគ្រឿងបង្គុំចាស់ និងបន្ថែមគ្រឿងបង្គុំថ្មី ។
អាស្រ័យហេតុនេះ សូមបងប្អូនប្រជាពល និងអ្នកដំណើរនៅទីតាំងភូមិសាស្ត្រខាងលើមេត្តាកុំបើករថយន្តឆ្លងកាត់ និងមានការប្រុងប្រយ័ត្នខ្ពស់៕
