នាថ្ងៃចន្ទ ១១រោច ខែស្រាពណ៍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៦ ខែសីហា ឆ្នាំ២០១៩ អាជ្ញាធរសង្កាត់ព្រែកលៀប ដឹកនាំដោយ លោក ព្រាប មុនី ចៅសង្កាត់ព្រែកលៀប បានចុះចែកប័ណ្ណសមធម៌ជូនប្រជាជនក្រីក្រ ចំនួន០២ភូមិ គឺភូមិគៀនឃ្លាំង និងភូមិព្រែកលៀប នៅក្នុងបរិវេណសាលាឆាន់វត្តព្រែកលៀប ស្ថិតក្នុងភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។
ប័ណ្ណសមធម៌ដែលអាជ្ញាធរសង្កាត់ព្រែកលៀបបានយកទៅចែកជូនប្រជាពលរដ្ឋមានចំនួន ២១៦ប័ណ្ណ ស្មើនឹង ២១៦គ្រួសារ ក្នុងនោះភូមិគៀនឃ្លាំងចំនួន ៨៨ប័ណ្ណ ស្មើនឹង ៨៨គ្រួសារ និងភូមិព្រែកលៀប ចំនួន១២៨ប័ណ្ណ ស្មើនិង ១២៨គ្រួសារ។