ភ្នំពេញ ៖ ដោយសារតែមើលឃើញ និងពោរពេញនូវក្តីអាណិតអាសូរដល់ក្រុមគ្រួសារដែលបាត់បង់សមាជិកគ្រួសារនោះ នៅរសៀលថ្ងៃពុធ ៣រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៦ ខែតុលា ឆ្នាំ២០១៩ លោក កង វង ចៅសង្កាត់ចោមចៅទី១ និងក្រុមប្រឹក្សាសង្កាត់ មេភូមិ អនុភូមិ រួមនឹងសមាជិក គោកចំបក់ បានចូលរួមរំលែកទុក្ខ ដ៏ក្រៀមក្រំដល់សព បងប្អូនប្រជាពលរដ្ឋដែលរស់នៅ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
តាមមន្រ្តីសង្កាត់ចោមចៅទី១បានឲ្យដឹងថា សពមានឈ្មោះ ផន ភី ភេទប្រុស ជាប្រជាការពារភូមិ ដែលស្ថិតនៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ បានទទួលមរណៈភាព ក្នុងជន្មាយុ ៤៧ឆ្នាំ ដោយរោគាពាធ។
បច្ច័យដែលលោកចៅសង្កាត់ នាំមកចូលរួមរំលែកទុក្ខដ៏ក្រៀមក្រំបំផុតនេះរួមមាន ៖ ថវិកាចំនួន ២៤ម៉ឺនរៀល អង្ករ ១បាវ ទឹកសុទ្ធចំនួន៥០យួរ ដើម្បីយកទៅដោះស្រាយក្នុងពិធីបុណ្យផងដែរ៕