ពិធីបិទវគ្គ និងប្រគល់វិញ្ញាបនបត្រ ជូនដល់ សិក្ខាកាម ដែល បាន ចូលរួម វគ្គ បណ្ដុះបណ្ដាល ស្ដីពី មគ្គុទ្ទេសក៍អាជីព និងការផ្ដល់ប្រឹក្សា សម្រាប់វិទ្យាល័យចំណេះទូទៅ និងបច្ចេកទេស

រាជធានីភ្នំពេញ៖ ក្រសួងអប់រំ យុវជន និងកីឡា សហការជាមួយអង្គការជំនួយព្រះវិហារហ្វាំងឡង់ប្រចាំប្រទេសកម្ពុជា (FCA) បានរៀបចំពិធីបិទវគ្គ និងប្រគល់វិញ្ញាបនបត្រ ជូនដល់សិក្ខាកាមដែលបានចូលរួមវគ្គបណ្ដុះបណ្ដាលស្ដីពី «មគ្គុទ្ទេសក៍អាជីព និងការផ្ដល់ប្រឹក្សា សម្រាប់វិទ្យាល័យចំណេះទូទៅ និងបច្ចេកទេស» ។ ពិធីបិទនេះ ត្រូវបានប្រារព្ធឡើងក្រោមអធិបតីភាព ឯកឧត្តមបណ្ឌិត អ៊ឹម កុច រដ្ឋលេខាធិការ ក្រសួងអប់រំ យុវជន និងកីឡា និងលោកស្រី សារ៉ា លេម៉ូសកូស្គី នាយិកាអង្គការ FCA ប្រចាំប្រទេសកម្ពុជា ព្រមជាមួយវត្តមានមន្ត្រីជំនាញជាគ្រូឧទ្ទេសនៃនាយកដ្ឋានតម្រង់ទិសវិជ្ជាជីវៈ និងសិក្ខាកាមសរុបចំនួន ៣២ នាក់ ស្រី ១៦ នាក់។