(អន្លង់វែង) នាព្រឹកថ្ងៃអង្គារ៍ ទី០៧ ខែមករា ឆ្នាំ២០២០ ឯកឧត្តមនាយឧត្តមសេនីយ៍ គន់គីម ទេសរដ្ឋមន្រ្តីទទួលបន្ទុកបេសកកម្មពិសេស បានអញ្ជេីញជាអធិបតីក្នុងពិធីបេីកសិក្ខាសាលាស្តីពីការរៀបចំតំបន់ប្រវត្តសាស្ត្រយោធា (អន្លង់វែង) និងប្រារព្ធពិធីអបអរសាទរខួប៤១ឆ្នាំ នៃទិវាជ័យជម្នះ៧មករា ។
ឯកឧត្តម ទេសរដ្ឋមន្រ្តី គន់ គីម បានវាយតម្លៃខ្ពស់ចំពោះការខិតខំប្រឹងប្រែងរបស់ក្រុមការងាររៀបចំតំបន់ប្រវត្តិសាស្ត្រយោធា ជាការពិតណាស់មានសន្តិភាពទេីបអន្លង់វែង ក៏ដូចជាតំបន់សមរភូមិផ្សេងទៀត និងទូទាំងប្រទេសទទួលបានការអភិវឌ្ឍន៍ ដូចសព្វថ្ងៃ អរគុណសន្តិភាពគឺជាការពិត អគុណសន្ភិភាព ត្រូវតែដឹងគុណសម្តេចតេជោ ព្រោះសម្តេច ជាអ្នកនាំសន្តិភាពជូនប្រទេសជាតិ។ មានសន្តិភាព ទើបធានាការអភិវឌ្ឍប្រកបដោយចីរភាព និងជីវភាពរស់នៅដ៏សុខសាន្ត សម្បូរសប្បាយរបស់ប្រជាជន មានសន្តិភាពទើបធានាដល់ការស្ថិតស្ថេរ និងរីកចម្រើននៃលទ្ធិប្រជាធិបតេយ្យ និងសិទ្ធិសេរីភាព ហើយជោគជ័យ នៃដំណើរការអភិវឌ្ឍន៍ និងភាពរឹងមាំ នៃប្រជាធិបតេយ្យ និងជះឥទ្ធិពលត្រឡប់មកវិញធានានូវចីរភាពនៃសន្តិភាព។ បើយើងបាត់បង់សន្តិភាពនោះ យើងនឹងត្រូវបាត់បង់អ្វីៗទាំងអស់៕
