(កំពង់ធំ)៖ នៅរសៀលថ្ងៃចន្ទ ២រោច ខែមាឃ ឆ្នាំកុរឯកស័ក ពស២៥៦៣ ត្រូវនិងថ្ងៃទី១០ ខែកុម្ភៈ ឆ្នាំ២០២០ ខ្នងផ្ទះទី១៤៣ អំណោយដ៏ថ្លៃថ្លារបស់សម្ដេចតេជោហ៊ុន សែន ត្រូវបាន ឯកឧត្តម ឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករង កំពង់ធំ ប្រធានសមាគមអតីតយុទ្ធជនកម្ពុជាខេត្ត ប្រគល់ជូនអតីតយុទ្ធជនពិការ ឈ្មោះថៃ វ៉ាន់ធី អាយុ៥៥ឆ្នំា ឋានន្តរសក្ដិអនុសេនីយ៍ទោ រស់នៅភូមិឬស្សីដួចថ្មី ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ។
ក្នុងពិធីប្រគល់ផ្ទះថ្មីនេះ ក្រុមការងារសមាគមអតីតយុទ្ធជនកម្ពុជាខេត្តកំពង់ធំ បានពាំនាំនូវជំនួយឧបត្ថម្ភរបស់ឯកឧត្តមឧត្ដមសេនីយ៍ឯកបណ្ឌិតហ៊ុន ម៉ាណែត អគ្គលេខាធិការរងសមាគមអតីតយុទ្ធជនកម្ពុជាទៅផ្តល់ជូនគាត់បន្ថែមទៀតមានអង្ករចំនួន៥០គីឡូក្រាម មីចំនួនមួយកេស ទឹកត្រី ទឹកសុីអុីវចំនូន២យួរ និងថវិកាមួយចំនួនផងដែរ ។
