ពិធីប្រគល់-ទទួលម៉ាស់ការពារចំនួន១០.២០០បន្ទះ ស្មើនឹង៣៣៤ប្រអប់ រវាងក្រុមហ៊ុន (Cambodia) Fiber Optic Communication Network Co., Ltd. (CFOCN) និងក្រសួងសាធារណការ និងដឹកជញ្ជូន ដើម្បីចូលរួមចំណែកការពារ និងទប់ស្កាត់ការចម្លងមេរោគកូវីដ-១៩

សូមជម្រាបជូនថា៖ ក្រុមហ៊ុន (Cambodia) Fiber Optic Communication Network Co., Ltd. (CFOCN) បានឧបត្ថម្ភម៉ាស់ការពារ(Medical Face Mask) ចំនួន១០.២០០បន្ទះ ស្មើនឹង៣៣៤ប្រអប់ ដើម្បីចូលរួមចំណែកជាមួយរាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងមេរោគកូវីដ-១៩ ដែលកំពុងរីករាលដាលនៅទូទាំងពិភពលោក ក្នុងនោះរួមមានកម្ពុជាផងដែរ។

បច្ចុប្បន្ននេះ ក្រុមហ៊ុន(Cambodia) Fiber Optic Communication Network Co., Ltd. (CFOCN) កំពុងធ្វើប្រតិបត្តិការនៅក្នុងព្រះរាជាណាចក្រកម្ពុជាដោយផ្តោតជាសំខាន់លើការវិនិយោគ វិស័យសំណង់ ប្រតិបត្តិការជួល/លក់បណ្តាញខ្សែកាបអ៊ុបទិក ការបញ្ជូនទិន្នន័យ និងសេវាអ៊ីនទ័រណែតនៅទូទាំងប្រទេសផងដែរ។

ជួសមុខឱ្យថ្នាក់ដឹកនាំក្រសួង លោក ជាសុជាតិ បានថ្លែងអំណរគុណយ៉ាងជ្រាលជ្រៅដល់ក្រុមហ៊ុន (Cambodia) Fiber Optic Communication Network Co., Ltd. (CFOCN) ដែលបាននាំយក ម៉ាស់ការពារមកប្រគល់ជូនក្រសួងដើម្បីចូលរួមទប់ស្កាត់ និងបង្ការការចម្លងមេរោគកូវីដ-១៩ និងបានគូសបញ្ជាក់ថា៖ នេះជាកាយវិការប្រកបដោយទឹកចិត្តសប្បុរសធម៌ជួយគ្នាក្នុងគ្រាលំបាក បង្ហាញនូវ ទំនាក់ទំនង និងកិច្ចសហប្រតិបត្តិការល្អរវាងប្រទេសទាំងពីរ។

ជាការឆ្លើយតប លោក Ouyang Wanhua បានថ្លែងអំណរគុណយ៉ាងជ្រាលជ្រៅដល់ក្រសួងសាធារណការ និងដឹកជញ្ជូន ជាពិសេស ឯកឧត្តមទេសរដ្ឋមន្ត្រី ស៊ុន ចាន់ថុល ដែលជានិច្ចកាលបានផ្តល់ការគាំទ្រជាច្រើននាពេលកន្លងមកលើគម្រោងវិនិយោគរបស់ក្រុមហ៊ុននៅក្នុងប្រទេសកម្ពុជា ៕