ឯកឧត្តម ឆាយ វណ្ណា អញ្ជើញចុះពិនិត្យ និងអង្កេតការធ្វើអត្តសញ្ញាណកម្មគ្រួសារដែលមានជីវភាពខ្វះខាត នៅឃុំកោងកាង ស្រុកពញាក្រែក ខេត្តត្បូងឃ្មុំ

នាព្រឹកថ្ងៃទី២៨ ខែមេសា ឆ្នាំ២០២០ ឯកឧត្តម ឆាយ វណ្ណា លេខាធិការគណៈកម្មការទី៥ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញចុះពិនិត្យ និងអង្កេតការធ្វើអត្តសញ្ញាណកម្មគ្រួសារដែលមានជីវភាពខ្វះខាត នៅឃុំកោងកាង ស្រុកពញាក្រែក ខេត្តត្បូងឃ្មុំ។

នៅក្នុងឱកាសនោះ ឯកឧត្តមបានចុះសួរសុខទុក្ខ និងអប់រំប្រជាពលរដ្ឋក្នុងភូមិឱ្យមានការប្រុងប្រយ័ត្នខ្ពស់ ហើយខិតខំអនុវត្តតាមគោលការណ៍ណែនាំរបស់គណៈដឹកនាំជាន់ខ្ពស់សាសនាឥស្លាមកម្ពុជា ការណែនាំរបស់ក្រសួងសុខាភិបាល និង រាជរដ្ឋាភិបាល នៃព្រះរាជាណាចក្រកម្ពុជា ដូចជា ការប្រតិបត្តិថ្វាយបង្គំតាមផ្ទះការអនុវត្តឲ្យបានខ្ជាប់ខ្ជួននូវអនាម័យដៃស្អាត ដោយលាងសម្អាតជាមួយទឹកស្អាតនឹងសាប៊ូ ឬអាកុល ឬទឹកជែលលាងដៃឲ្យបានញឹកញ៉ាប់ រក្សាគំលាត ឲ្យបានសមស្រប ពាក់ម៉ាស់ ជាពិសេសជៀសការជួបជុំគ្នាច្រើនកុះករ និងចូលរួមកន្លែងដែលមានការប្រមូលផ្តុំគ្នាមានមនុស្សច្រើន។