លោកជំទាវ មិថុនា ភូថង អញ្ជើញអមដំណើរ សម្តេចពិជ័យសេនា ទៀ បាញ់ អញ្ជើញចុះពិនិត្យទីតាំងសម្រាប់សាងសង់ស្តូបអនុស្សាវរីយ៍នយោបាយឈ្នះ ឈ្នះ


(កោះកុង)៖ ថ្ងៃអាទិត្យ ១១ រោច ខែពិសាខ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៧ ខែឧសភា ឆ្នាំ២០២០ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញអមដំណើរ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តមនាយឧត្តមសេនីយ ប៊ុន លើត ឯកឧត្តមនាយឧត្តមសេនីយ៍ យន្ត មីន រដ្ឋលេខាធិការក្រសួងការពារជាតិ ព្រមទាំងលោកឧត្តមសេនីយ លោកអភិបាលរងខេត្ត អភិបាលក្រុងខេមរភូមិន្ទ ថ្នាក់ដឹកនាំមន្ទីរ អង្គភាពមួយចំនួនទៀត ក្នុងដំណើរអញ្ជើញចុះពិនិត្យទីតាំងសម្រាប់សាងសង់ស្តូបអនុស្សាវរីយ៍នយោបាយឈ្នះ ឈ្នះ នៅចំនុចចំណោតលោកយាយម៉ៅ ជាប់ផ្លូវជាតិលេខ៤៨ ស្ថិតក្នុងភូមិសាស្ត្រក្រុងខេមរភូមិន្ទ ខេត្តកោះកុង។