ក្រុមហ៊ុនមីនេបៀ(ខេមបូឌា) ធ្វើបទបង្ហាញអំពីគម្រោងទីក្រុងវៃឆ្លាត ជូន ឯកឧត្តម ជាវ តាយ អភិបាល នៃគណៈអភិបាលខេត្តកំពត


ព្រឹក ថ្ងៃពុធ ៥រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែមិថុនា ឆ្នាំ២០២០ ឯកឧត្តម ជាវ តាយ អភិបាល នៃគណៈអភិបាលខេត្តកំពត និងមានការចូលរួមពីនាយក នាយករងរដ្ឋបាល នាយកទីចាត់ការសាលាខេត្ត និងថ្នាក់ដឹកនាំមន្ទីរ អង្គភាពជំនាញពាក់ព័្ធ បានអនុញ្ញាតឲ្យក្រុមហ៊ុនមីនេបៀ(ខេមបូឌា) ដែលដឹកនាំដោយ លោក តាកាស្ស៊ី អាអូគី ប្រធាននាយកដ្ឋានផ្នែកលក់ ជួបសំដែងការគួរសម និងធ្វើបទបង្ហាញអំពីការប្រើប្រាស់អំពូល LED ប្រព័ន្ធវែឆ្លាត ។

នៅក្នុងជំនួបនេះ ក្នុងនាមរដ្ឋបាលខេត្ត ឯកឧត្តម ជាវ តាយ អភិបាលខេត្ត បានមានសោមនស្សរីករាយ និងស្វាគមន៍ចំពោះ ក្រុមហ៊ុនមីនេបៀ(ខេមបូឌា) ដែលបានមកធ្វើបទបង្ហាញអំពីការប្រើប្រាស់អំពូល LED ប្រព័ន្ធវៃឆ្លាត ជូនដល់រដ្ឋបាលខេត្ត ដែលជាប្រព័ន្ធអំពូលប្រើបចេ្ចកវិជ្ជាទំនើប ប្រើថាមពលសន្សំសំចៃ ដោយផ្អែកលើបទបង្ហាញក្រុមហ៊ុនបានបញ្ជាក់ថា អំពូលភ្លើងLED បានផលិតនៅក្នុងប្រទេសកម្ពុជា ហើយសន្សំសំចៃភ្លើង និងប្រព័ន្ធអំពូល មានមុខងារសំខាន់ៗ ដូចជា ប្រព័ន្ធត្រួតពិនិត្យអាកាសធាតុ ការធ្វើចរាចរយានយន្ត និងមុខងារផ្សេងៗទៀត ដើម្បីជាការប្រើប្រាស់សម្រាប់គម្រោងអភិវឌ្ឍន៍ខេត្ត ។
ឯកឧត្តម បានប្រសាសន៍បន្ថែមថា ភ្លើង ទឹក ក៏ដូចជាចំណីអាហារ ជាតំរូវរបស់យើងគ្រប់គ្នាប្រចាំថ្ងៃ។

ឯកឧត្តម ជាវ តាយ បានថ្លែងអំអរគុណដល់ ក្រុមហ៊ុនមីនេបៀ(ខេមបូឌា) ដែលបានធ្វើបទបង្ហាញដ៍មានសារៈសំខាន់នេះ ហើយរដ្ឋបាលខេត្ត នឹងធ្វើការទំនាក់ទំនងគ្នាជាមួយក្រុមហ៊ុន ជាបន្តទៀតនៅពេលក្រោយដើម្បីអភិវឌ្ឍន៍ខេត្តកំពតឲ្យទៅជាទីក្រុងវៃឆ្លាតនាពេលអនាគត៕