ឯកឧត្តម ប៉ុញ សច្ចៈ អញ្ជើញចុះពិនិត្យវឌ្ឍនភាពស្តារនិងអភិវឌ្ឍន៍ប្រព័ន្ធធារាសាស្រ្ត ដំណាក់ឈើក្រំ

២- បន្ទាប់មកក្រុមការងារបានបន្តចុះពិនិត្យមើលស្ថានភាពទឹក និងការងារបង្កបង្កើនផល ដោយគិតត្រឹមថ្ងៃទី១៥ ខែកក្កដា ឆ្នាំ២០២០ ការងារបង្កបង្កើតផលអនុវត្តន៍បានចំនួន ១១១.៩៥៥ហត លើផែនការ ១១៥.០០០ហត ស្មើនឹង ៩៧.៣៥% ក្នុងនោះ ផ្ទៃដីចំនួន ៤១.៩៥៥ហត ស្ថិតនៅក្រៅប្រពន្ធ័ធារាសាស្រ្ត ដែលដាំដុះអាស្រ័យលើទឹកភ្លៀង ហើយក្នុងចំណោមផ្ទៃដីក្រៅប្រព័ន្ធមាន ចំនួន ១០.០០០ហត ស្ថិតនៅឃុំបឹងខ្នារ ឃុំបឹងបត់កណ្តោល ឃុំមេទឹក និងឃុំអូរតាប៉ោង អាចប្រឈមនឹងការខ្វះទឹក និងក្រៀមស្វិតក្នុងករណីរាំងស្ងួតដោយកូនរដូវប្រាំងកើតឡើងជាយថាហេតុ។
វិធានការចំពោះមុខ មន្ទីរធនធានទឹក និងឧតុនិយមខេត្ត បានត្រៀមលក្ខណៈ នឹងធ្វើការទន្លាក់ទឹកពីអាងទឹកទំនប់ ៥ ដែលកំពុងតម្កល់ទឹកបាន១០០% ស្មើនឹង ២៥ លានម៉ែត្រគូប និងអាងទឹកទំនប់៣ ដែលទើបតែទទួលទឹកបានប្រមាណ៨០% ស្មើនឹង ២០លានម៉ែត្រគូប ជួយអន្តរាគមន៍ ដល់ប្រព័ន្ធធារាសាស្រ្ត ដំណាក់អំពិល និងប្រព័ន្ធចារឹក និងត្រៀមប្រេងឥន្ទនៈ និងម៉ាសុីនបូមទឹកចល័តសម្រាប់អន្តរាគមន៍ទីតាំងដែលមានប្រភពទឹក ៕