ឯកឧត្តម ម៉ាត់ សេត និង លោកជំទាវ យ៉យ នីតា បានចុះសួរសុខទុក្ខ នាំយកអំណោយមួយចំនួនទៅចែកជូនគ្រួសាររងគ្រោះដោយសារខ្យល់កន្ត្រាក់ចំនួន២៧គ្រួសារ

នារសៀលថ្ងៃទី២៨ ខែកក្កដា ឆ្នាំ២០២០ ឯកឧត្តម ម៉ាត់ សេត សមាជិកគណៈកម្មការអប់រំ យុវជន កីឡា ធម្មការ កិច្ចការសាសនា និងទេសចរណ៍នៃរដ្ឋសភា និងជាតំណាងរាស្ត្រមណ្ឌលខេត្តកំពត លោកជំទាវ យ៉យ នីតា អនុរដ្ឋលេខាធិការក្រសួងកិច្ចការនារី និងមានការចូលរួមពី លោក នាក់ សុវណ្ណារី អភិបាលស្រុកទឹកឈូ លោក​ លោកស្រី​ ក្រុមប្រឹក្សាស្រុក ក្រុមការងារអង្គការយូមេនីធីហ្វើសកម្ពុជា និងសម្ព័ន្ធយុវជនម៉ូស្លីមកម្ពុជាខេត្តកំពត បានចុះសួរសុខទុក្ខ នាំយកអំណោយមួយចំនួន និងថវិកា ទៅចែកជូនគ្រួសាររងគ្រោះដោយសារខ្យល់កន្ត្រាក់ចំនួន២៧គ្រួសារ កាលពីរសៀលថ្ងៃទី២១ ខែកក្កដា ឆ្នាំ២០២០ នៅភូមិត្រពាំងធំ ឃុំត្រពាំងសង្កែ ស្រុកទឹកឈូ ខេត្តកំពត។