ឯកឧត្តម គង់ សោភ័ណ្ឌ អភិបាលខេត្តកណ្ដាលនិងឯកឧត្តម ដួង ដារ៉ា ជំនួយការសម្តេចតេជោនាយករដ្ឋមន្រ្តីអញ្ជើញចុះសម្របសម្រួល​ដោះស្រាយ​បញ្ចប់​ទំនាស់​​​ដីធ្លីររវាងលោកយាយអាយុ៩៥និងចៅបានជោគជ័យនៅស្រុកខ្សាច់កណ្តាល

ក្នុងកិច្ចប្រជុំនោះក៏មានការអញ្ជើញចូលរួម៖ឯកឧត្តម នូវ ប៉េប៉េងច័ន្ទតារា អភិបាលរងខេត្ត,លោកឧត្តមសេនីយ៍ទោ ឈឿន សុចិត្តស្នងការនគរបាលខេត្ត, លោកប្រធានមន្ទីររៀបចំដែនដី នគរូបនីយកម្ម និងសំណង់,លោកនាយកទីចាត់ការអន្តរវិស័យ័យ,អាជ្ញាធរស្រុក ឃុំ និងភូមិ និងសមត្ថកិច្ចពាក់ព័ន្ធ រួមទាំងភាគី​វិវាទ។

បន្ទាប់ពីពិភាក្សាគ្នា យល់ដឹងអំពីដើមហេតុនៃទំនាស់ និងស្តាប់មតិចូលរួមរបស់ភាគីពាក់ព័ន្ធ អាជ្ញាធរដែនដី និង​តំណាងមន្ទីរជំនាញរួចមក ភាគីទាំងសងខាងបានព្រមព្រៀងឯកភាពគ្នាបញ្ចប់ទំនាស់តាមលក្ខណ្ឌ​ដូច​ខាង​ក្រោម ៖-ភាគីលោកស្រី ស៊ុយ ផូ បានយល់ព្រមបញ្ចប់ទំនាស់ដោយឯកភាពទទួលយកសំណងចំនួន ៣០,០០០ដុល្លារ(បីម៉ឺនដុល្លាអាមេរិក) ដែលជាការឧបត្ថម្ភដ៏ខ្ពង់ខ្ពស់របស់ សម្តេចតេជោនាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ដោយលោកស្រី ស៊ុយ ផូ ព្រមប្រគល់ដីទំហំ១៣ម៉ែត្រ គុណ២០ម៉ែត្រ ស្ថិតនៅភូមិអញ្ចែងក្រោម ឃុំពុកឬស្សី ស្រុកខ្សាច់កណ្តាល ទៅឲ្យភាគីលោកស្រី ប៊ូ ស្រីទូច ដើម្បីរស់ប្រកបរបរចិញ្ចឹមជីវិត។-ភាគីលោកស្រី ប៊ូ ស្រីទូច ឯកភាពទទួលយកដំណោះស្រាយនេះ និងសូមគោរពអរគុណសម្តេច​តេជោនាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត។,-ភាគីទាំងសងខាង ឯកភាពឈប់ប្តឹងប្តល់គ្នា និងដកពាក្យបណ្តឹងដែលធ្លាប់ដាក់ពាក្យប្តឹងតវ៉ាគ្នា​ទៅវិញទៅមក នៅគ្រប់ស្ថាប័ន អង្គភាព។ ,និង-បងប្អូនភាគីទាំងសងខាង ឯកភាពគ្នានៅចំពោះមុខ ឯកឧត្តម អភិបាលខេត្ត និងក្រុមការងារ ថា​នឹងស្រុះស្រួលគ្នា បញ្ឈប់ការ​ឈ្លោះទាស់ទែ​ង​តទៅមុខទៀត។

ឆ្លៀតក្នុងឱកាសនោះដែរឯកឧត្តម គង់ សោភ័ណ្ឌអភិបាលខេត្តកណ្ដាលបានថ្លែងអំណរអរគុណសន្តិភាព សូមគោរពអរគុណសម្តេច អគ្គស្ថាបនិកសន្តិភាព ដែលជារឿយៗ សម្តេច តែងតែគិតគូពីសុខទុក្ខប្រជារាស្រ្តជួបការលំបាកខ្វះខាត នេះជាដំណោះស្រាយឈ្នះឈ្នះ ដែលយើងគ្រប់គ្នាត្រូវតែគោរព និងអនុវត្តតាម ហើយក៏សូមអរគុណក្រុមការងារពាក់ព័ន្ធទាំងអស់ អរគុណដល់គូវិវាទទាំងសងខាង ដែលយល់ព្រមអត់អោន យល់យោគឱ្យគ្នាទៅវិញទៅមក លែងប្រកាន់ខឹងគ្នា សាមគ្គីរីកចំរើន បែកបាក់សាមគ្គីគឺពិបាក ខ្មែរត្រូវតែចេះស្រលាញ់ខ្មែរ គ្មានទេពាក្យថាចាញ់ គឺឈ្នះទាំងអស់គ្នា៕
==============================
The Land Dispute in Ksach Kandal district between the 95 years old lady and Grand-Daughter has been resolved under the mediation of H.E Kong Sophorn, Kandal Provincial Governor, and H.E Duong Dara, Samdech Techo’s Assistant on 06 September 2020.