នៅព្រឹកថ្ងៃទី១៥ ខែកញ្ញា ឆ្នាំ២០២៤នេះ ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀងបានដឹកនាំប្រតិភូសាលាខេត្តអញ្ជេីញចូលរួមគោរពវិញ្ញាក្ខ័ន្ធសពមហាឧបាសិកាពុទ្ធសាសនូបត្ថម្ភក៏ ដាំ វៀង ត្រូវជាម្តាយបង្កេីតឯកឧត្តម រស់ ផារិទ្ធ អភិបាលរងខេត្ត ដែលបានទទួលមរណៈភាពនៅថ្ងៃសៅរ៍ ទី១៤ ខែកញ្ញា ឆ្នាំ២០២៤ វេលាម៉ោង ០០ និង៩នាទីរំលងអធ្រាត ក្នុងជន្មាយុ៧៦ ឆ្នាំដោយជរាពាធ ។
ពិធីបណ្យបានប្រារព្ធធ្វេីនៅគេហដ្ឋានស្ថិតនៅភូមិសេកយំ ឃុំពងទឹក ស្រុករំដួល ខេត្តស្វាយរៀង។
ក្នុងឱកាសនោះដែរ ឯកឧត្តមអភិបាលខេត្ត បានសម្តែងនូវការចូលរួមរំលែកទុក្ខដ៏ក្រៀមក្រំ អាឡោះអាល័យជាទីបំផុតជាមួយឯកឧត្តមអភិបាលរងខេត្ត និងក្រុមគ្រួសារដែលបានបាត់បង់ម្តាយ ម្តាយក្មេក ជាទីគោរពស្រលាញ់ប្រកបដោយព្រហ្មវិហារធម៌របស់កូនៗ ចៅៗ ព្រមទាំងញាតិមិត្តទាំងអស់ សូមបួងសួងដល់វិញ្ញាណក្ខន្ធ មហាឧបាសិកាពុទ្ធសាសនូបត្ថម្ភក៏ ដាំ វៀង បានទៅកាន់សុគតិភពកុំបីឃ្លៀងឃ្លាតឡេីយ៕
