សម្តេចក្រឡាហោម ស ខេង បានមានប្រសាសន៍ថា ” ខ្ញុំមិនអាចទ្រាំនឹងបញ្ហានេះ បានតទៅទៀតទេ ត្រូវតែដោះស្រាយ ។ អ្នកចេញលិខិត ឲ្យជនបរទេសទាំងអស់អត់រួចខ្លួនទេ បើតាមផ្លូវច្បាប់ ត្រូវចាប់ដាក់គុកទាំងអស់ បើនៅតែបំពាន អត់បាន
ជាដាច់ខាត”។ លើសពីនេះទៅទៀត សម្តេច ក៏បានសង្កត់ធ្ងន់ថា ” គ្រប់ខេត្ត ក្រុង រាជធានី ក្រសួងស្ថាប័នពាក់ព័ន្ធទាំងអស់ ត្រូវពង្រឹងការអនុវត្តន៍ច្បាប់ឱ្យបានត្រឹម ត្រូវចំពោះជនអន្តោប្រវេសន៍ទាំងអស់ ដែលបាន និងកំពុងស្នាក់នៅដោយខុស
ច្បាប់ ” ។
សម្តេចក្រឡាហោម ស ខេង បានថ្លែងខាងលើនេះ ក្នុងឱកាសអញ្ជើញជាអធិបតី ក្នុងកិច្ចប្រជុំប្រជុំផ្សព្វផ្សាយ អនុក្រឹត្យលេខ ១២៩ អនក្រ ចុះថ្ងៃទី១៥ សីហា ឆ្នាំ ២០១៧ ស្តីពីការលុបចោល និងដកហូតឯក សាររដ្ឋបាលកម្ពុជា មិនប្រក្រតី ដែលជនបរទេសកំពុងកាន់កាប់ប្រើ ប្រាស់ កាលពីព្រឹកថ្ងៃទី០៤ ខែតុលា ឆ្នាំ២០១៧ ។