នៅថ្ងៃអាទិត្យ ៧ រោច ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៨ ខែឧសភា ឆ្នាំ២០២៥នេះ ឯកឧត្តម ប៉េង ពោធិ៍សា អភិបាលខេត្តស្វាយរៀង បានអញ្ជេីញចូលរួមក្នុងកិច្ចប្រជុំបូកសរុបលទ្ធផលការងារឆ្នាំ២០២៤ របស់លេខាធិការដ្ឋាន នៃក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង។
កិច្ចប្រជុំនេះក៏មានការអញ្ជេីញចូលរួមពី ឯកឧត្ដម លោកជំទាវ ប្រតិភូក្រសួងវប្បធម៌ និងវិចិត្រសិល្បៈ លោក លោកស្រី អភិបាល អភិបាលរងក្រុង/ស្រុកទាំង៨ លោកនាយករងរដ្ឋបាលសាលាខេត្ត លោកនាយរងទីចាត់ការរដ្ឋបាលសាលាខេត្ត លោកប្រធានការិយាល័យសរុបនិងព័ត៌មាន លោកប្រធានការិយាល័ទំនាក់ទំនងសាធារណៈ ព្រមទាំងមន្ត្រីពាក់ព័ន្ធមួយចំនួនទៀត។
