រាជធានីភ្នំពេញ ៖ នាព្រឹកថ្ងៃពុធ ៣កើត ខែបុស្ស ឆ្នាំរកា នព្វស័ក ពុទ្ធសករាជ ២៥៦១ ត្រូវនឹងថ្ងៃទី២០ ខែធ្នូ ឆ្នាំ២០១៧ នៅអគាររដ្ឋបាលក្រសួងអប់រំ យុវជន និងកីឡា បានប្រារព្ធពិធីបើកសិក្ខាសាលាស្ដីពី “ការពង្រឹងការអនុវត្តច្បាប់ក្នុងវិស័យអប់រំ” ក្រោមអធិបតីភាពលោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា និងមានវត្តមានចូលរួមដោយឯកឧត្ដម លោក លោកស្រី ប្រធាន និងមន្ត្រីអប់រំនៃអង្គភាពពាក់ព័ន្ធជាច្រើនរូបផងដែរ ។
សិក្ខាសាលានេះ បានរៀបចំឡើងក្នុងគោលបំណង រៀបចំផែនការក្នុងការបណ្ដុះបណ្ដាលដល់បុគ្គលិកអប់រំ ឬគរុសិស្ស ពាក់ព័ន្ធជាមួយឯកសារច្បាប់ និងលិខិតបទដ្ឋាន ការពង្រឹងការអនុវត្តច្បាប់ តាមរយៈការដាក់ទោសទណ្ឌ ការលើកទឹកចិត្តឱ្យយកច្បាប់ និងលិខិតបទដ្ឋានគតិយុត្តជាគោលការណ៍រួមក្នុងការដោះស្រាយបញ្ហាក្នុងអង្គភាព ។
