ឯកឧត្តម គួច ចំរើន អញ្ជើញសួរសុខទុក្ខកម្មការនីចំនួន ៣នាក់


នៅរសៀល​ម៉ោង១៧.០០ ថ្ងៃអង្គារ ១រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី ០២ ខែមករា ឆ្នាំ២០១៨ ឯកឧត្តម គួច ចំរើន អភិបាល នៃគណៈអភិបាល ខេត្តកំពង់ចាម បានអញ្ជើញសួរសុខទុក្ខកម្មការនីចំនួន​ ៣នាក់​ និងនាំយកនូវប្រាក់ឧបត្ថម្ភមាតុភាពដល់កម្មការនី​ ក្នុងម្នាក់ៗទទួលបានថវិកា​ ៤០ម៉ឺនរៀល​ ស្របតាម​គោល​នយោបាយ​ថ្មី​របស់​រាជរដ្ឋាភិបាល​ដើម្បីផ្តល់គុណប្រយោជន៍ដល់កម្មការនី​ ក្នុង​នោះដែរឯកឧត្តមក៏បានឧបត្ថម្ភដល់ប្រជាពលរដ្ឋដែលមកសម្រាលកូននៅមន្ទីរពេទ្យខេត្តកំពង់ចាម​ ក្នុងម្នាក់ៗទទួលបានថវិកា​២ម៉ឺនរៀល​។សូមបញ្ជាក់ថា​គិតត្រឹម​ថ្ងៃទី១ដល់ថ្ងៃទី២ខែមករា​នេះកម្មការនីដែលសម្រាលកូនចំនួន១៥នាក់​ មកពីស្រុកបាធាយ​ ៤នាក់​ ជើងព្រៃ៣នាក់​ កំពង់ចាម៣នាក់​ ព្រៃឈ​រ៣នាក់​ កងមាស១នាក់​ និងចំការលើ១នាក់។