នាថ្ងៃសៅរ៍ ១កើត ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃ១៧ ខែមីនា ឆ្នាំ២០១៨ នៅស្នងការដ្ឋាននគរបាលខេត្តស្ទឹងត្រែង ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា តំណាងដ៏ខ្ពង់ខ្ពស់ឯកឧត្តម ទេព ងន អនុប្រធានទី២ព្រឹទ្ធសភា បានអញ្ជើញប្រគល់រថយន្តចំនួន០១គ្រឿង ប្រភេទ២,៥តោន កុព្យូទ័រចំនួន០៣គ្រឿង ម៉ាស៊ីនព្រីនធ័រ (printer)ចំនួន០២គ្រឿង GPS និងឧបករណ៍បរិក្ខាមួយចំនួនទៀត ជូនដល់វីរៈសេនាតូចការពារព្រំដែនគោក៧០១ (ស្ទឹងត្រែង-ឡាវ) ដែលជាសម្ព័ន្ធមេត្រីភាពជាមួយព្រឹទ្ធសភា ទុកសម្រាប់ប្រើប្រាស់ក្នុងអង្គភាព។
ក្នុងឱកាសនោះឯកឧត្តមអគ្គលេខាធិការ ក៏បាននាំការផ្តាំផ្ញើសួរសុខទុក្ខពីថ្នាក់ដឹកនាំព្រឹទ្ធសភាជូនដល់កងកម្លាំងទាំងអស់ផងដែរ។