ក្រុមការងារចល័តពិសេស ចុះជួយខណ្ឌជ្រោយចង្វារ រាជធានីភ្នំពេញ ដឹកនាំដោយ លោកជំទាវឧកញ៉ា កែវ ម៉ាលី ទីប្រឹក្សាសម្តេចវិបុលសេនាភក្តី សាយ ឈ៉ំ ប្រធានព្រឹទ្ធសភា នៃព្រះរាជាណាចក្រកម្ពុជា អនុប្រធានក្រុមការងារចុះជួយខណ្ឌជ្រោយចង្វារ និងជាប្រធានក្រុមការងារចល័តពិសេស ចុះជួយខណ្ឌជ្រោយចង្វារ បានអញ្ជើញចុះជួបសំណេះ សំណាល និងសាកសួរសុខទុក្ខ ជាមួយនឹងបងប្អូនប្រជាពលរដ្ឋទីទាល់ក្រ ដែលជាសមាជិកគណបក្សប្រជាជនកម្ពុជា ចំនួន៣០គ្រួសារ ក្នុងសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ នាព្រឹកថ្ងៃអាទិត្យ ៥រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៣ ខែមិថុនា ឆ្នាំ២០១៨ ដែលស្ថិតនៅក្នុងទីស្នាក់ការគណបក្សប្រជាជនកម្ពុជា សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។
ក្នុងឱកាសនោះដែរ លោកជំទាវឧកញ៉ា ប្រធានក្រុមការងារចល័តពិសេស ចុះជួយខណ្ឌជ្រោយចង្វារ ក៏បាននាំយកអំណោយរបស់សម្តេចប្រធានព្រឹទ្ធសភា និងជាអនុប្រធានគណបក្សប្រជាជនកម្ពុជា ចែកជូនដល់បងប្អូនប្រជាពលរដ្ឋទីទាល់ក្រ ដែលជាសមាជិកគណបក្សប្រជាជនកម្ពុជា ចំនួន៣០គ្រួសារ ដោយក្នុងមួយគ្រួសារៗ ទទួលបាន÷ អង្កចំនួន០១បាវ១៥គីឡូក្រាម ទឹកត្រីចំនួន០១យូរ ទឹកស៊ីអ៉ីវចំនូន០១យូរ ស្ករ-សចំនូន០៣គីឡូក្រាម ទឹកដោះគោខាប់ចំនួន០៥កំប៉ុង ថវិកា៤០.០០០រៀល កងកម្លាំង១០នាក់ និងក្រុមយុវជន១១នាក់ ក្នុងម្នាក់ៗទទួលបានថវិកាមួយចំនួនផងដែរ៕