ស.ស.យ.ក ក្រុងព្រៃវែង បាននាំយកទេយ្យទាន គ្រឿងបរិក្ខារ និងថវិកា របស់ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី ព្រមទាំងក្រុមគ្រួសារ ទៅប្រគេនព្រះសង្ឃគង់ចាំព្រះវស្សា ចំនួន០២វត្ត នៅក្រុងព្រៃវែង ខេត្តព្រៃវែង!

រសៀលថ្ងៃទី០៥ ខែកក្កដា ឆ្នាំ២០២៥

លោកម៉ននី បណ្ឌិត ប្រធានស.ស.យ.ក ក្រុងព្រៃវែង និង ឯកឧត្តម ហៃ យូណែល ប្រធានក្រុមការងារស.ស.យ.ក ចុះមូលដ្ឋានក្រុងព្រៃវែង អញ្ជើញដឹកនាំសមាជិក សមាជិកា ស.ស.យ.ក ក្រុង និងវិទ្យាល័យហ៊ុនសែនកំពង់លាវ បាននាំយកទេយ្យទាន និងគ្រឿងបរិក្ខារ របស់ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី ស សុខា ព្រមទាំងក្រុមគ្រួសារ ទៅប្រគេនព្រះសង្ឃគង់ចាំព្រះវស្សា នៅក្រុងព្រៃវែង ខេត្តព្រៃវែង គឺ៖

1/ វត្តបុញ្ញខេត្តារាម

2/ វត្តឧត្តមមានជ័យ

ក្នុងនោះផងដែរ លោកម៉ននី បណ្ឌិត ប្រធានស.ស.យ.ក ក្រុងព្រៃវែង បានពាំនាំនូវប្រសាសន៍សួរសុខទុក្ខពីសំណាក់ ឯកឧត្តមអភិសន្តិបណ្ឌិត ស សុខា អនុប្រធានសហភាពសហពន្ធ័(ស ស យ ក) យុវជនកម្ពុជាទទួលបន្ទុក ខេត្តព្រៃវែង ខេត្តបាត់ដំបង ខេត្តបន្ទាយមានជ័យ និងលោកជំទាវ កែ សួនសុភី ប្រគេនដល់ព្រះចៅអធិការគង់នៅវត្តទាំងពីរដោយក្តីនឹករលឹក ដែលជានិច្ចកាល ឯកឧត្តម និងលោកជំទាវ តែងតែគិតគូរពីសុខទុក្ខ ការលំបាក លើវិស័យពុទ្ធសាសនា និងប្រជាពលរដ្ឋ ដោយមិនប្រកាន់និន្នាការជាតិសាសន៍ ពណ៌សម្បុរអ្វីឡើយ។

ទេយ្យទាន និងគ្រឿងបរិក្ខារមានដូចជា ៖ទៀនវស្សា ១គូរ បាឡុង ០១ ឈុត ស្លាដក ១០ ឈុត អង្ករផ្កាខ្ញី ១០០ គីឡូក្រាម ត្រីខ ០១ កេស ធំ មី ០១ កេសធំ ទឹកសុទ្ធកម្ពុជា ០៥កេស ទឹកផ្លែឈើ ០៥កេស ទឹកស៊ីអ៊ីវ ០៥ យួរ ទឹកត្រី ០៥ យួរ អំបិល ០៥ គីឡូក្រាម ស្ករស ០៥ គីឡូក្រាម ប៊ីចេង ០២ គីឡូក្រាម ឆៃប៉ូវ ០២ គីឡូក្រាម ត្រីងៀត ០២ គីឡូក្រាម សាច់ក្រក ០២ គីឡូក្រាម និងបច្ច័យចំនួន ១,០០០,០០០រៀល