ខេត្តព្រះសីហនុ៖ នារសៀលថ្ងៃព្រហស្បត្តិ៍ទី២៨ ខែសីហា ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណ:អភិបាលខេត្តព្រះសីហនុ អញ្ជើញអបអរសាទររំលឹកខួបលើកទី ៨០ ថ្ងៃបុណ្យឯករាជ្យជាតិ នៃសាធារណរដ្ឋសង្គម និយមវៀតណាម នៅសណ្ឋាគារឆ្នេរឯករាជ្យ ក្រុងព្រះសីហនុ ដោយមានការចូលរួមពីអ្នកតំណាងរាស្ត្រខេត្តព្រះសីហនុ លោក លោកស្រីអភិបាលរងខេត្តកែប កោះកុង កំពត កំពង់ស្ពី និងខេត្តតាកែវ និងប្រធានមន្ទីរ អង្គភាព ភ្ញៀវជាតិ អន្តរជាតិ ។
ឯកឧត្តម ឡាយ សួន ឈាន (LAI XUAN CHIEN) អគ្គកុងស៊ុល នៃ សាធារណរដ្ឋសង្គមនិយម វៀតណាមប្រចាំខេត្តព្រះសីហនុ បានថ្លែងអំណគុណឯកឧត្តមអភិបាលខេត្ត មន្ត្រីរាជការ កងកម្លាំងប្រដាប់អាវុធ និងអភិបាលរងខេត្តទាំង៥ មាន ខេត្តកោះកុង កំពត កែប កំពង់ស្ពឺ និងតាកែវ បានមកចូលរួមអបអរសាទរខួបលើកទី៨០ នៃទិវាបុណ្យជាតិ នៃសាធារ ណរដ្ឋសង្គមនិយមវៀត ណាមនៅលើទឹកដីកម្ពុជា (ខេត្តព្រះសីហនុ)។ រយៈពេល ៨០ឆ្នាំ ប្រទេសវៀត ណាមបានតស៊ូប្រយុទ្ធលះបង់ និងធ្វើពលកម្មមិនចេះនឿយហត់ ដើម្បីការពារខឿនឯករាជ និងកសាងប្រទេសជាតិរហូត មកដល់បច្ចុប្បន្ន ធ្វើឪ្យជីវ ភាពប្រជាពលរដ្ឋកាន់តែលើកកម្ពស់ឥតឈបើឈរ។ ចំណងការទូតប្រទេសវៀត ណាមប្រកាន់យ៉ាងខ្ជាប់ខ្ជួននូវខ្សែបន្ទាត់ការទូតឯករាជ្យ សន្តិភាព មិត្តភាព កិច្ចសហ ប្រតិបត្តិការរីកចម្រើនមានលក្ខណៈពហុរូបភាព ពហុភាគីដោយធ្វើសមាហរណកម្មស៊ីជម្រៅក្នុងតំបន់ និងលើឆាកអន្តរជាតិ តាមទិសស្លោក វៀតណាមជាមិត្ត ជាដៃគូស្មោះត្រង់ និងមាន ការទទួលខុសត្រូវក្នុងសហគមន៍អន្តរជាតិ។ វៀតណាម និងកម្ពុជា គឺជាប្រទេសជិតខាង ភូមិផងរបងជាមួយគ្នាតាំងពីយូរយារណាស់មកហើយ។ ចំណងមិត្តភាពជាប្រពៃណី និងជួយគ្នាទៅ វិញទៅមកដែលបុព្វបុរសជំនាន់មុនៗបានខិតខំកសាងពូនជ្រុំផ្តល់កិច្ចសហប្រតិបត្តិការកាន់តែជិតស្និទ្ធក្នុងការអភិវឌ្ឍប្រទេសជាតិ។
ឯកឧត្តម អគ្គកុងស៊ុលវៀតណាមបានបន្តថា តាងនាម ស្ថានកុងស៊ុល និងសហគមន៍បងប្អូនវៀតណាមសូមសម្តែងនូវអំណរគុណចំពោះការជួយគាំទ្រ និងការផ្តល់កិច្ចសហការពីថ្នាក់ដឹកនាំ នៃបណ្ដាខេត្តក្នុងមណ្ឌលកុងស៊ុល ដែលបានផ្ដល់ជូនអគ្គកុងស៊ុល និងសហគមន៍ បងប្អូនវៀតណាមកំពុងរក ស៊ីទទួលទាននិងរស់នៅតាមមូលដ្ឋាន ។
ឯកឧត្តម ម៉ាង ស៊ីណេត អភិបាលខេត្តព្រះសីហនុ មានប្រសាសន៍ថា តាងនាមក្រុមប្រឹក្សាខេត្ត គណៈអភិ បាលខេត្ត មន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋខេត្តព្រះសីហនុ សូមចូលរួមអបអរសាទរទិវារំលឹកខួបលើកទី៨០ ថ្ងៃបុណ្យឯករាជ្យជាតិ នៃសាធារណរដ្ឋសង្គមនិយម វៀតណាម ០២កញ្ញា ១៩៤៥ – ០២កញ្ញា ២០២៥។ សូមសម្តែងនូវការកោតសរសើរចំពោះវីរភាព និងការខិតខំ ប្រឹងប្រែងរបស់ប្រជាជន និងកងទ័ពវៀតណាម ចំពោះការតស៊ូរំដោះជាតិចេញពីការឈ្លានពានរបស់ពួកចក្រពត្តិនិយមប្រកប ដោយជោគជ័យមានរយៈ ពេល ៨០ឆ្នាំ ។
ឯកឧត្តម អភិបាលខេត្តព្រះសីហនុ បានថ្លែងថា ក្រោម ការដឹកនាំរបស់បក្សកុម្មុយនិស្តវៀតណាម និងរដ្ឋាភិ បាលវៀតណាម សម្រេច បានសមិទ្ធផលជាច្រើនឥតគណនាគួរជាទីមោទកនាំ មកនូវវឌ្ឍនភាព វិបុលភាព និងជីវភាពរស់នៅកាន់តែសម្បូរឡើងថែមទៀត។ ការរីកចម្រើនបានលើកកម្ពស់កិត្យានុភាពវៀតណាមទាំង នៅក្នុងតំបន់ និងលើឆាកអន្តរជាតិបានរួមចំណែក ដល់សន្តិភាព ស្ថិរភាព សន្តិសុខ និងការអភិវឌ្ឍក្នុងតំបន់ទាំងមូល។ កម្ពុជា និងវៀតណាម បានបង្កើតទំនាក់ ទំនងការទូតជាផ្លូវការមានរយៈពេល ៥៨ឆ្នាំ ការលើកកម្ពស់ពង្រឹងចំណងសាមគ្គីភាព មិត្តភាពជាប្រពៃណី និងជាការដឹងគុណរវាងប្រជាជននៃប្រទេសទាំងពីរ «វៀតណាមដឹងគុណ និងចងចាំចំពោះពលិកម្មរបស់ប្រជាជនកម្ពុជា ដើម្បីបុព្វហេតុនៃការបង្រួបបង្រួម និងឯកភាពទឹកដីវៀតណាមក្នុងអំឡុងទសវត្សរ៍៦០-៧០។ រីឯកម្ពុជាដឹងគុណនឹងចងចាំចំពោះពលិកម្មរបស់កងទ័ព និងប្រជាជនវៀតណាម ដើម្បីបុព្វហេតុរំដោះប្រជា ជនកម្ពុជាចេញពីរបបប្រល័យពូជសាសន៍កម្ពុជាប្រជាធិបតេយ្យនៅទសវត្សរ៍៧០-៨០»។ ការទំនាក់ទំនងរវាងប្រទេសកម្ពុជា និងវៀតណាមត្រូវបានលើកកម្ពស់ និងពង្រឹងឥតឈប់ឈរតាមរយៈថ្នាក់ ដឹកនាំ និងប្រជាជននៃប្រទេសទាំងពីរ ក្រោមបាវចនា “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយនិរន្តរយូរអង្វែង” សម្រាប់ប្រជាជន នៃប្រទេសទាំងពីរដោយឈរ លើនិរន្តរភាព និងសង្គតិភាព នឹងបន្តពូនជ្រំចំណងមិត្តភាព ពង្រឹង ពង្រីកកិច្ចសហប្រតិបត្តិការរវាងស្ថាប័នគ្រប់កម្រិតទាំងក្នុងអង្គនីតិប្បញ្ញត្តិ និងអង្គនីតិប្រតិបត្តិ ក៏ដូចជាទំនាក់ទំនងរវាងប្រជាជន និងប្រជាជន សំដៅធានាបាននូវផលប្រយោជន៍ទៅ វិញទៅមកសម្រាប់ប្រជាជាតិទាំងពីរ និងដោយឡែកខេត្តព្រះសីហនុ ខេត្តគៀន យ៉ាង ខេត្តបាក់លីវ និងខេត្តហៃហ្វុង ៕
