លោកជំទាវ អ៊ាត សោភា ដឹកនាំការធ្វើបទបង្ហាញជូនសមាជិកនៃអង្គទូត និងអង្គការអន្តរជាតិប្រចាំកម្ពុជា អំពីលទ្ធផលនៃការស៊ើបអង្កេតបឋម លើព្រឹត្តិការណ៍បាញ់ប្រហារដោយកងកម្លាំងថៃ មកលើប្រជាជនស៊ីវិលកម្ពុជា នៅភូមិព្រៃចាន់

នៅរសៀលថ្ងៃទី២៥ ខែវិច្ឆិកា ឆ្នាំ២០២៥ លោកជំទាវ អ៊ាត សោភា រដ្ឋលេខាធិការប្រចាំការនៃក្រសួងការបរទេស និងសហប្រតិបត្តិការអន្តរជាតិ បានដឹកនាំការធ្វើបទបង្ហាញជូនសមាជិកនៃអង្គទូត និងអង្គការអន្តរជាតិប្រចាំកម្ពុជា អំពីលទ្ធផលនៃការស៊ើបអង្កេតបឋមលើព្រឹត្តិការណ៍បាញ់ប្រហារដោយកងកម្លាំងថៃមកលើប្រជាជនស៊ីវិលកម្ពុជា នៅភូមិព្រៃចាន់ ខេត្តបន្ទាយមានជ័យ នៅថ្ងៃទី១២ ខែវិច្ឆិកា ឆ្នាំ២០២៥។

តាមក្រសួងការបរទេស នគរបាលជាតិកម្ពុជាបានធ្វើការស៊ើបង្កេតបឋមនេះនៅថ្ងៃទី១៣ ខែវិច្ឆិកា ឆ្នាំ ២០២៥ ដោយមានការចូលរួមពីអ្នកសង្កេតការណ៍អាស៊ាន (AOT)។