រាជធានីភ្នំពេញ៖ ក្រសួងអប់រំ យុវជន និងកីឡា បានរៀបចំពិធីផ្សព្វផ្សាយគម្រោងអនាម័យគំរូតាមសាលារៀនជំហានទី៣ ក្នុងគោលបំណងបង្ហាញពីចំណុចសំខាន់ៗនៃគម្រោងអនាម័យគំរូតាមសាលារៀននៅជំហានទី២ ( ឆ្នាំ២០១៥-២០១៨) ព្រមទាំងបង្ហាញពីការអនុវត្តគម្រោងអនាម័យគំរូតាមសាលារៀនជំហានទី៣។
ពិធីនេះត្រូវបានរៀបចំឡើងក្រោមអធិបតីភាព លោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា នាព្រឹកថ្ងៃចន្ទ ៤រោច ខែកត្តិក ឆ្នាំច សំរឹទ្ធិស័ក ព.ស.២៥៦២ នៅសណ្ឋាគារភ្នំពេញ។ ក្នុងឱកាសនោះ លោកជំទាវ អនុរដ្ឋលេខាធិការ បានមានប្រសាសន៍ថា តាមរយៈការតាមដានការអនុវត្តគម្រោងនៅឆ្នាំខាងមុខ យើងនឹងមើលឃើញពីវឌ្ឍនភាពនៃការកែលម្អស្ថានភាពទឹកស្អាត និងអនាម័យតាមសាលារៀននៅទូទាំងប្រទេស៕