ព្រឹកថ្ងៃចន្ទ ១រោច ខែបុស្ស ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី ២១ ខែមករា ឆ្នាំ ២០១៩ ឯកឧត្តម ថោ ជេដ្ឋា រដ្ឋលេខាធិការក្រសួងធនធានទឹក និងឧតុនិយម បានដឹកនាំមន្ត្រីបច្ចេកទេសនៃក្រសួងធនធានទឹក និងឧតុនិយម និងមន្ទីរធនធានទឹក និងឧតុនិយមខេត្តត្បូងឃ្មុំ ចុះពិនិត្យស្ថានភាពទឹក ការបង្កបង្កើនផលស្រូវប្រាំងក្នុងខេត្តត្បូងឃ្មុំ និងបន្តចុះពិនិត្យដំណើរការជួសជុលកែលម្អប្រព័ន្ធស្រោចស្រព ទំនប់អូរអង្កាម មានទីតាំងនៅឃុំចាន់មូល ស្រុកមេមត់ ។ ការជួសជុល និងកែលម្អប្រព័ន្ធស្រោចស្រព ទំនប់អូរអង្កាម បានចាប់ផ្តើមអនុវត្តនៅថ្ងៃទី១៥ ខែមករាឆ្នាំ ២០១៩ ដោយមានទំហំការងារ ៖ ជួសជុលទំនប់ប្រវែង ៤០០ ម និងសង់សំណង់បង្ហៀរ ០១ កន្លែង មានប្រវែង ០៦ ម ។ មកដល់ពេលនេះការងារសម្រេចបានចំនួន ៣០% ហើយ និងគ្រោងបញ្ចប់នៅដើមខែកុម្ភៈ ឆ្នាំ ២០១៩ ខាងមុខ ។ ប្រព័ន្ធនេះទទួលប្រភពទឹកចេញ និងទឹកភ្លៀង ។ ក្រោយជួសជុល និងកែលម្អរួច ប្រព័ន្ធននេះមានលទ្ធភាពស្រោចស្រពលើផ្ទៃដីស្រូវវស្សា ចំនួន ៣៧៥ ហត ។
