នាព្រឹកថ្ងៃពុធ ១០រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣០ ខែមករា ឆ្នាំ២០១៩ នៅបន្ទប់ប្រជុំសាលាខេត្តសៀមរាប មានបេីកកិច្ចប្រជុំពិភាក្សា និងពិគ្រោះយោបល់លេីកទី២ លេីផែនការអភិវឌ្ឍន៍ប្រព័ន្ធបណ្ដាញលូទឹកកខ្វក់ និងរបាយការណ៍សិក្សាសមិទ្ធិលទ្ធភាពគម្រោងសាងសង់លូខ្វែង និងខ្វែងរងក្នុងក្រុងសៀមរាប ខេត្តសៀមរាប ក្រោមអធិបតីភាព លោក ពិន ប្រាកដ អភិបាលរង នៃគណៈអភិបាលខេត្តសៀមរាប និងជាតំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប និងលោក ចៅ សុភៈភិបាល ប្រធាននាយដ្ឋានសំណង់ប្រព័ន្ធចម្រោះទឹកកខ្វក់ តំណាង ឯកឧត្ដម ហេង រ័ត្នពិសិដ្ឋ អគ្គនាយកនៃអគ្គនាយកដ្ឋានសាធារណ ការ តំណាងធនាគារពិភពលោក (World Bank) ទីប្រឹក្សាក្រុមហ៊ុនSUEZ លោកប្រធាន-អនុប្រធានមន្ទីរ-អង្គភាព និងស្ថាប័នពាក់ព័ន្ធនានាជុំវិញខេត្ត សរុបចំនួន ៤២នាក់ស្រី ៣នាក់។
ក្រោយពីការពិគ្រោះយោបល់ លេីផែនការអភិវឌ្ឍន៍ប្រព័ន្ធបណ្ដាញលូទឹកកខ្វក់ ក្នុងខេត្តនេះរួចរាល់ ជំហានបន្តក្រុមការងារនឹងបន្តសិក្សា លើកគម្រោងបណ្តាញលូ ទៅធនាគារពិភពលោក។ ដូចនេះការអនុវត្ត គម្រោងអភិវឌ្ឍន៍បណ្តាញលូក្នុងខេត្ត នឹងដំណើរការនៅក្នុងពាក់ កណ្តាល ឆ្នាំ២០១៩។
