រសៀលថ្ងៃទី ០៥ ខែ វិច្ឆិកា ឆ្នាំ២០១៦ នៅភូមិទី៣ ឯកឧត្តម ឡេង ប៊ុនតេង ទីប្រឹក្សាសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងជាប្រធានក្រុមការងារចុះជួយសង្កាត់ជ្រោយចង្វារ ជំនួយការភូមិ និងក្រុមការងារយុវជនសង្កាត់ អញ្ជើញចុះសួរសុខទុក្ខ ស្តាប់ក្តីកង្វល់ និងសំណូមពរ ប្រជាពលរដ្ឋតាមខ្នងផ្ទះ ក្នុងនោះ ឯកឧត្តមប្រធាន ឧបត្ថម្ភដល់ស្ត្រីកំពុងមានជម្ងឺចំនួន០២នាក់ ក្នុងម្នាក់ៗ ទទួលបានថវិកាចំនួន ១០ម៉ឺនរៀល និងបញ្ជូនអ្នកជម្ងឺខាងលើទៅព្យាបាលនៅមន្ទីរពេទ្យ។
-លោក កែវ សុភារី ក្រុមប្រឹក្សាខណ្ឌ ប្រធានក្រុមការងារយុវជនសង្កាត់ ឧបត្ថម្ភក្នុងម្នាក់ៗ អង្ករ១០គក្រ មី២០កញ្ចប់ អំបិល១គក្រ ស្ករស០១គក្រ ទឹកដោះគោខាប់០២កំប៉ុង ត្រីខ០៥កំប៉ុង ប៊ីចេង១គក្រ ទឹកត្រី០១ដប ទឹកស៊ីអ៊ីវ០១ដប ប្រេងឆា០១ដប ។
