តាកែវ៖ ដើម្បីពង្រឹងប្រសិទ្ធភាពនៃការអនុវត្តការងារសុខភាពសិក្សាសម្រាប់ការគ្រប់គ្រងតាមសាលារៀន ដើម្បីចូលរួមចំណែកធ្វើឱ្យការអប់រំនៅកម្ពុជាមានគុណភាព សមធម៌ បរិយាបន្ន និងលើកកម្ពស់ការសិក្សាពេញមួយជីវិត សម្រាប់ទាំងអស់គ្នា ក្រសួងអប់រំ យុវជន និងកីឡា បានរៀបចំសិក្ខាសាលាស្ដីពីការងារសុខភាពសិក្សា សម្រាប់ការគ្រប់គ្រងតាមសាលារៀនដល់មន្ត្រីមន្ទីរអប់រំ យុវជន និងកីឡាថ្នាក់ក្រោមជាតិ។
សិក្ខាសាលានេះបានប្រព្រឹត្តទៅក្រោមអធិបតីភាពលោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡាដែលមានរយៈពេល២ថ្ងៃ ចាប់ពីព្រហស្បតិ៍ ៦រោច ដល់ថ្ងៃសុក្រ ៧រោច ខែចេត្រ ឆ្នាំកុរ សំរឹទ្ធិស័ក ព.ស.២៥៦២ នៅសាលប្រជុំសាលាគរុកោសល្យ និងវិក្រឹតការខេត្តតាកែវ៕